Qyrǵyzstanda ótip jatqan III Dúnıejúzilik kóshpendiler oıyndarynyń birinshi kúni qazaqstandyq balýandar Tájikstannyń ulttyq sporty – Gýshtını mıllı kamarbandı (belbeý kúresi) kúresinen eki qola júlde ıelendi.
68 kılo salmaq dárejesinde synǵa túsken balýanymyz Murathan Berikbol alǵashqy qola medaldiń ıesi atandy. Bul salmaqtyń altyny qyrǵyzstandyq balýanǵa buıyrdy.
Asa aýyr salmaqta synǵa túsken Maqsat Jandildaev jartylaı fınalda ese jiberip, qola júldeni mise tutty.
Sondaı-aq 82 keli salmaq dárejesinde Bashqurtstan balýanyna teń keler eshkim bolmady.
Kóshpendiler oıyndary 2-8 qyrkúıek arasynda ótedi. Bıylǵy saıysqa 80 elden 3000-nan astam saıypqyran kelgen. Olar 37 etnosport túri boıynsha synǵa túsedi. Sportshylar 174 altyn, 173 kúmis, 247 qola medaldi synǵa salady. Oıyndardyń jalpy qory – 28 mıllıon somǵa jýyq.