Mýzeı ekspozısııasynda Brazılııa jáne ózge de elderdiń tarıhynan syr shertetin myńdaǵan eksponattar bar.
20 mıllıonnan astam qundy jádiger jınaqtalǵan aýmaqtaǵy órtti sóndirýge barynsha kúsh jumsalyp jatyr. Bul eldegi ejelgi ǵylymı ortalyq. Ázirge mýzeı qyzmetkerleri, ıa kelýshi qonaqtardyń qandaı da bir zardapqa ushyraǵany týraly derek joq.
О́rttiń shyǵý saldary belgisiz. Mýzeı qyzmetkeriniń sózinshe, jýyrda qarjylyq qysqartýlarǵa baılanysty shaǵymdanǵandaryn aıtady.
Brazılııa Prezıdenti Mıshel Temer óziniń týıtter paraqshasynda bolǵan jaıtqa qatysty kóńil bildirdi. «Tarıhymyzdyń baǵa jetpes qunynyn órtten kelgen shyǵynmen ólsheı almaımyz», dep jazdy ol.
1818 jyly Portýgalııa koroli Jýan VI mýzeıdiń irgetasyn qalaǵan. Mýzeıde Ońtústik jáne Soltústik Amerıkanyń janýar kolleksııasy, úndis ydystary, mýmııalar syndy jádigerler toptastyrylǵan. Onyń ishinde dınozavr men osydan 12 myń jyl buryn ómir súrgen áıeldiń súıegi bar.
Aıa О́mirtaı,
«Egemen Qazaqstan»