Qyrkúıektiń basynda Sholpan atada (Qyrǵyzstan) ótetin Túrki tildes memleketterdiń yntymaqtastyq keńesiniń sammıti zor mańyzǵa ıe.
Bul jıyndy bıylǵy eleýli oqıǵalardyń qataryna engizýge bolady. О́ıtkeni, osy jıynda túrki ıntegrasııasy úderisin nyǵaıtý ózara yqpaldastyqty arttyrý isine qatysty ózekti máseleler talqylanbaq. Sonymen aldaǵy is-sharanyń ózektiligine negiz bolatyn birneshe faktordy atap ótýge bolady.
Birinshiden, Túrki keńesine múshe memleketter úsh jyldan keıin endi bas qospaq. Esterińizde bolsa, VI sammıt 2016 jyly Sholpan atada ótýi tıis edi. Alaıda túrli jaǵdaıǵa baılanysty jıyn keıinge shegerildi.
Ekinshiden, Túrki keńesiniń sammıti óńirlik áriptestikti nyǵaıtýǵa orasan zor úles qosady.
Úshinshiden, Túrki keńesi qurylǵaly beri onyń quramyn keńeıtip, О́zbekstannyń qosylýyna múmkindik týyp otyr. Túrkııa prezıdenti Rejep Erdoǵannyń bıylǵy sáýirdegi О́zbekstanǵa saparynan keıin Tashkent tarapynan uıymǵa múshelikke ótýi týraly áńgime kóterile bastady. Endeshe, aldaǵy sammıtte halqy 31 mıllıonnan asatyn, túrkitildes memleketterdiń biri О́zbekstannyń Keńeske qosylýy bek múmkin.
Qysqasha aıtqanda, Túrki keńesi men oǵan múshe memleketter osy jıynnan keıin damýdyń jańa qarqynyna ıe bolatyny sózsiz.
Rýslan IZIMOV,
saıasattanýshy