Angola Respýblıkasynyń Syrtqy ister mınıstri, Angola Respýblıkasy Prezıdentiniń arnaıy ókili Manýel Domıngýsh Aýgýshtý Qazaqstanǵa alǵash ret saparmen keldi.
Qazaqstan Respýblıkasynyń Syrtqy ister mınıstri Qaırat Ábdirahmanovpen kelissózder barysynda taraptar aımaqtyq jáne halyqaralyq kún tártibindegi ózekti máseleler boıynsha óz ustanymdary ortaq ekenin rastady, ekijaqty yntymaqtastyqtyń aǵymdaǵy jaǵdaıyn baǵalap, túrli salalardaǵy keleshegin atap ótti.
Qazaqstan Angolamen ekijaqty qarym-qatynastardy damytýǵa úlken mán beredi. Keńes Odaǵynan bastap Qazaqstan men Angola dostyq qarym-qatynastardy ustanady. Angola qoǵamynda jaýapty laýazymdarǵa ıe Angolanyń kóptegen stýdentteri qazaqstandyq joǵary oqý oryndarynda bilim aldy. 1975 jyly táýelsizdikke qol jetkizgennen keıin qazaqstandyq mamandar Angoladaǵy óndiristik nysandardy qurýǵa belsendi qatysqandyǵy atap ótildi.