Qazir kóp adam ózin-ózi jumyspen qamtyǵan. Kóbine jeke kásipker retinde tirkelmesten jumys istegendikten, olar áleýmettik jáne medısınalyq saqtandyrý, zeınetaqy júıelerine qatysa almaıdy.
Bul tirkelý prosesiniń qıyndyǵy men salyq salmaǵynyń aýyrlyǵymen túsindiriledi.
Eńbek jáne halyqty áleýmettik qorǵaý mınıstrligi jeńildetilgen tirkeý rejımin – Biryńǵaı jıyntyq tólemdi (BJT) engizý bastamasyn usynyp otyr.
Endi jaldamaly qyzmetkerlerdiń eńbegin paıdalanbastan jeke tulǵalarǵa qyzmet kórsetetin, jeke sharýashylyǵyndaǵy aýyl sharýashylyǵy ónimderin satatyndar aıyna bir ret - qalada 1 AEK, aýylda 0,5 AEK kóleminde aqshalaı aýdarymdar jasaıdy. Sonymen birge azamattar osy bir tólem aýqymynda áleýmettik qyzmettiń tolyq paketin alady. Bul – medısınalyq saqtandyrý, zeınetaqy aýdarymdary, áleýmettik saqtandyrý.
BJT-in tóleý avtomatty túrde qyzmetti tirkeý degen sóz, tıisinshe, aýdarymdar kóshirilmese qyzmet te toqtatylady.
BJT-in bank jáne termınaldar arqyly tóleýge bolady.