QR IIM Qazaqstan azamattary ózge elderdiń shekarasynan ótýin jeńildetý maqsatynda zańǵa ózgertýler engizedi. О́zgeristerge sáıkes, shekaradan ótý úshin ata-analardyń tólqujattaryna 16 jasqa deıingi balalardyń sýretterin jabystyrýdy alyp tastaý qarastyrylady, dep habarlaıdy vedomstvonyń baspasóz qyzmeti.
«Tulǵany kýálandyratyn qujattar jóninde» QR Zańyna sáıkes, Qazaqstan Respýblıkasy azamatynyń tólqujatyna ata-analarymen birge shetelge shyqqan 16 jasqa deıingi balalardyń sýretimen birge olar týraly jazba engizilýi múmkin.
Álemdegi lańkestik pen ekstremızm qaýpiniń kúsheıýine baılanysty, kóptegen elder shekaralarynan ótkizý tártibin qataıtýǵa májbúr boldy. Memlekettiń shekarasynan ótý úshin ata-anasymen birge elden syrtqa shyǵatyn 16 jasqa deıingi balalardan Qazaqstan Respýblıkasynyń azamaty (mysaly, Shengen aımaǵyndaǵy Eýropa elderi, AQSh, BAÁ jáne t.b.) ekenin rastaıtyn qujattyń bolýyn mindetti talap retinde qarastyratyn elderdiń sany artýda.
Sondyqtan, QR IIM Qazaqstannyń azamattaryna ózge elderdiń shekaralaryn ońaılyqpen ótýge múmkindik jasaý úshin ata-analardyń tólqujattaryna 16 jasqa deıingi balalardyń sýretterin jabystyrýǵa tyıym salýdy qarastyratyn zańǵa ózgeris engizedi. Sáıkesinshe, balalarǵa eldiń shekarasynan ótý úshin jeke tólqujat jasalýy kerek. Jańa ózgertýler 2019 jylǵy 1 qańtardan bastap kúshine enedi.