Parlament Senaty Ekonomıkalyq saıasat, ınnovasııalyq damý jáne kásipkerlik komıteti energetıka salasyn jańǵyrtý jáne ınnovasııalyq damytý máseleleri boıynsha Pavlodar oblysynda kóshpeli otyrys ótkizdi, dep habarlaıdy QR Parlamenti Senatynyń Baspasóz qyzmeti.
Komıtet tóraǵasy Asqar Beısenbaev kóshpeli otyrysta Nursultan Nazarbaevtyń 5 ınstıtýttyq reforma jónindegi bastamasyn iske asyrý turǵysynda «100 naqty qadam» - Ult josparynda ekonomıkanyń keleshegi zor salalaryn damytý týraly kóptegen sharalar kózdelgenin atap ótti. Ol eń aldymen elektr energetıkasy jáne energııa tıimdiligi salalaryna qatysty bolyp otyr.
Senator A.Beısenbaev Parlament ótken jyly jáne bıyl elektr energetıkasy salasyndaǵy zańnamaǵa «biryńǵaı satyp alýshy» úlgisin engizý arqyly negizgi quraldardy jańǵyrtý, qaıta qurý, keńeıtý jáne jańartý úshin energııa óndirýshi uıymdarǵa salynǵan ınvestısııalardy uzaq merzimde qaıtarýǵa kepildik berýdi qamtamasyz etýge múmkindik beretin birqatar túzetýler qabyldaǵany týraly habardar etti.
Otyrysta sóz alǵan Pavlodar oblysynyń ákimi Bolat Baqaýov máseleniń mańyzy men ózektiligin atap, oblystaǵy elektr energetıkasy salasynyń jaı-kúıimen tanystyrdy.
Senator Manap Kóbenov óz baıandamasynda elektr energetıkasy salasynyń negizgi máselelerine jan-jaqty toqtaldy. Atap aıtqanda, elektr energııasyn tutyný ósip kele jatqanda suranys pen usynysty teńestirý sharalary qolǵa alynbaı otyrǵany, jabdyqtardyń jappaı toza bastaýy men elektr qýaty qorlardyń azdyǵy, jańartylatyn energııa kózderiniń bolmaýy, sondaı-aq Soltústik, Ońtústik jáne Batys energetıkalyq aımaqtary arasynda baılanystyń álsizdigi týraly aıtyldy.
Energetıka mınıstriniń orynbasary Maǵzum Myrzaǵalıev elektr energetıkasy salasyndaǵy sýbektiler qyzmetiniń negizgi kórsetkishterimen jáne osy salany damytý úshin memlekettik organdar qabyldaǵan sharalarmen tanystyrdy.
Komıtet otyrysynda «KEGOK» aksıonerlik qoǵamy Soltústik bólimshesiniń dırektory Aleksandr Daıneko, «Ekibastuz GRES-1» bas dırektory Mádı Ábishev te sóz sóıledi.
Kezdesýge qatysýshylar energııamen qamtamasyz etý, óńirlik elektr jelisi kompanııalary men energııamen jabdyqtaýshy uıymdardy irilendirý, ınvestısııa tartý, ónimderdi eksporttaý, sondaı-aq salany memlekettik basqarýdyń tıimdiligin arttyrýǵa baılanysty máselelerdi talqylady.
Komıtettiń kóshpeli otyrysynda qatysýshylardyń aıtqan pikirleri men usynystary eskerile otyryp, elimizdiń elektr energetıkasy salasyn qoldaý jáne odan ári damytý úshin tıimdi sharalar ázirleý týraly qorytyndy jasaldy.
Komıtettiń kóshpeli otyrysynyń aıasynda depýtattar «B.Nurjanov atyndaǵy Ekibastuz GRES-1», «О́nerkásip mashınasy komplekt» mekemelerinde boldy. Sondaı-aq Memleket basshysynyń aımaqtardaǵy týrızm salasynyń áleýetin damytý qajettigi týraly tapsyrmasyn iske asyrý maqsatynda Baıanaýyl aýdanynda týrızm klasterin damytý jaǵdaıy, ózekti máseleleri jáne keleshegimen tanysty.