«Babyq-burlyq» jaýapkershiligi shekteýli seriktestigi bıdaı ónimdiliginiń rekordyn jańartty.
Aıyrtaý aýdanyna barǵan jumys saparynda oblys ákimi Qumar Aqsaqalov bıdaı tanaptarynyń ár gektarynana 62,5 sentner ónim jınalyp jatqan alqaptardy aralap, kúzgi oraqtyń barysymen tanysty. Burynǵy rekord 55 sentner bolsa, bıyl bul kórsetkish 7,5 senterge asyp túsken.
Osyndaı mol ónimge qalaı qol jetkizdińizder degen saýalǵa «Babyq-burlyq» seriktestiginiń basshysy Seıilbek Mahmetov jer-anany mápelep kúte bilse, jomarttyǵynda shek joq, dep qysqasha jaýap berdi. Aımaq basshysy Qyzyljar, Esil jáne Aıyrtaý aýdandarynyń egis tanaptaryn aralaý kezinde babyqburlyqtardyń tájirıbesin úlgi etti.
«Memleket agrarlyq salaǵa júıeli túrde qoldaý kórsetip keledi. Eńbekaqynyń ósýi, basqa áleýmettik salalardyń jaqsarýy astyq óndirisiniń rentabeldi tabysymen ólshenedi. Jerdiń berekesin qashyrǵan sharýashylyq jetekshilerine budan bylaı qatań talap qoıylatyn bolady», Q. Aqsaqalov.
Búginde Tómengi Burlyq aýyly turǵyndaryna barlyq jaǵdaı jasalǵan. Ortasha eńbekaqy 141 myń teńgeni quraıdy. Bıyl ár úıge ortalyqtandyrylǵan jylytý júıesi tartylyp, jumysshylarǵa arnap turǵyn úıler salynady.
«О́nim , nátıje tómen bolsa, sharýashylyqtar jalaqyny qalaı kóteredi? Bul oraıda jergilikti bılik óz jumystaryn shıratýlary tıis», dep atap kórsetti oblys ákimi.
О́ńir boıynsha barlyq dándi daqyldardyń úshten birine jýyǵy bastyrylyp, ortasha ónimdilik 14,9 sentnerden aınalýda.
О́mir ESQALI,
«Egemen Qazaqstan»
Soltústik Qazaqstan oblysy