Aqtóbede ótken aımaqtyq bastaýysh partııa uıymdarynyń forýmy oblys ákiminiń qatysymen ótken plenarlyq otyrysta qorytyndylandy. Osy kúni «Nur Otan» partııasynyń Hatshysy Tamara Dúısenovamemlekettik qyzmetkerlermen kezdesti. Prezıdenttiń bes áleýmettik bastamasynyń jáne jańa partııalyq jobalardyń júzege asyrylý barysymen tanysty.
Aqtóbe oblysyndaǵy 7-20-25 baǵdarlamasy aıasyndaǵy alǵashqy jarna mólsheri keıbir kategorııalardaǵy turǵyndarǵa eki ese azaıǵan. Búgin oblys basshysy Berdibek Saparbaev pen "Baspana" ıpotekalyq uıymynyń tóraǵasy Qaırat Altynbekov forým barysynda tıisti memorandýmǵa qol qoıdy.
Sodan soń partııa Hatshysy Aqtóbe qalasynyń «Nur Aqtóbe» shaǵyn aýdanynda memlekettik baǵdarlama boıynsha boı kótergen turǵyn úılerdi aralady.
2018 jyly az qabatty ǵımarattar qurylysynyń ekinshi kezeńi josparlanǵan. Ol jalpy kólemi 93,3 myń sharshy metr nemese 1695 páterli 3,4,5 qabatty 36 turǵyn úı. Aǵymdaǵy jyly 3043 páterdi paıdalanýǵa berý josparlanyp otyr.
Aqtóbe oblysy «7-20-25» baǵdarlamasymen nesıe alýǵa qabyldanǵan ótinimder sany boıynsha oblystar arasynda 4 orynǵa ıe. Oblysta baǵdarlama sheńberinde ekinshi deńgeıli bankter arqyly 1165,0 mln.teńgege nesıe alýǵa 137 ótinim qabyldansa, onyń ishinde 758,8 mln.teńgege 88 ótinim maquldandy.
Sodan soń "Nur Otan" partııasynyń Hatshysy Tamara Dúısenova Aqtóbe oblysyndaǵy kásipkerlikke geoaqparattyq onlaın-qyzmet kórsetýdi júzege asyrý barysymen tanysty.
Atalmysh partııalyq joba Memleket Basshysynyń «Nur Otan» partııasynyń Saıası keńesinde bergen tapsyrmasymen júzege asýda.Osyǵan sáıkes portalǵa kásipkerler kommersııalyq jalǵa ala alatyn jer ýchaskeleri týraly barlyq qajetti aqparat salynady.
Tamara Dúısenovanyń aıtýy boıynsha bul jer ýchaskelerin bólý úderisiniń ashyqtyǵyn arttyryp, sonymen qatar sybaılas jemqorlyqtyń aldyn alady.
Sondaı-aq, ol mektepterde beriletin taǵamdardyń jaǵdaıy men sapasyn jaqsartýǵa baǵyttalǵan «Mektep ashanalaryn jańǵyrtý» jobasy aıasynda ashylǵan «Atameken» tamaqtaný kombınatynyń qyzmetimen tanysty. Qazir atalmysh kombınat Aqtóbe qalasyndaǵy 4 mektepte qyzmet kórsetip, 3 myńǵa jýyq mektep oqýshysyn tabıǵı taza ónimmen tústendirýde.
Kombınat mektep oqýshylaryna durys tamaqtanýdy uıymdastyrý úshin «Nur Otan» partııasynyń jobasy aıasynda quryldy.
-Biz barlyq sanıtarlyq normalardy saqtaýǵa múmkindik beretin biryńǵaı júıe boıynsha jumys isteımiz. Balalardyń tamaqtaný júıesinen quramynda taǵamdyq qospalar, boıaǵyshtar bar taǵamdardy alyp tastap, tek tabıǵı ónimderdi qoldanamyz, - deıdi kásiporyn basshysy Kalaýsha Sadyqova.
Kombınat qyzmetimen tanysqan soń Tamara Dúısenova bul tájirıbeni basqa qalalarda, sonyń ishinde Astanada da engizýge bolatynyn aıtty.
Sodan soń partııa Hatshysy partııalyq joba boıynsha Aqtóbe polıtehnıkalyq kolledji janynan ashylǵan IT-ortalyqtyń jumysymen tanysty.
Oqytý jáne qaıta daıarlaý IT-ortalyǵynda "Full-stack ázirleý", "Mobıldi ázirleý", "Big Data Analysis", "Ákimshilik derekter" baǵyttary boıynsha bilim beriledi.
Memleket basshysy taıaýda ótken «Nur Otan» partııasy Saıası keńesiniń keńeıtilgen otyrysynda qajettiligine baılanysty aýyl jáne qala turǵyndaryna, ásirese jastarǵa shaǵyn nesıe usyný qajettiligine erekshe nazar aýdarǵan bolatyn.Elbasynyń Úkimet aldyna júktegen tapsyrmasy búginde óz jemisin berýde.
Aqtóbelik Mıra Jıenbaeva 10 mln. teńge nesıe alyp, bir aı buryn mektepke deıingi balalardy damytý ortalyǵyn ashqan. Ortalyq 120-ǵa deıin bala qabyldaı alady. Munda horeografııa, aǵylshyn tilin úırený, logoped qyzmeti, "Galo Álemi" tuzdy shahta, oıyn alańy, medısınalyq kabınet jáne t. b. bilim berý qyzmetteri kórsetiledi.
Partııa Hatshysy osy kúni memlekettik qyzmetkerlermen de kezdesti.