Sońǵy jyldarda elimizdegi týberkýlez aýrýyna shaldyqqandar kóretkishi 2,4 esege deıin azaıǵan. Qazirgi kezde emdelý merzimi 33-ten jıyrma aıǵa deıin tómendep, zamanaýı zerthanalyq jetistikterdiń nátıjesinde eki saǵatta anyqtaý múmkindigi týdy.
Ulttyq ftızıopýlmonologııa ǵylymı ortalyǵynyń dırektory Málik Ádenov saladaǵy birqatar jaǵymdy ózgeristermen qatar jańa tehnologııalyq jetistikterdiń elimizdiń alys aımaqtarynda turatyn naýqastardy qashyqtyqtan baqylaýǵa jol ashyp otyrǵandyǵyn málim etti. Tıisti em qabyldaý úshin emhanaǵa kúndelikti kelý mindetti emes. Iаǵnı, qorshaǵan ortaǵa qaýip týdyrmaıtyn naýqastar dárilerin úı jaǵdaıynda qabyldap, smartfon arqyly emdeý mekemesimen baılanysqa shyǵyp otyrýy jetkilikti. Jańa tehnologııalar qoldaný arqyly medbıkege túsetin salmaq ta azaıýda. Mysaly, emhana dárigeri kúnine 10-15 adam qabyldaıtyn bolsa, beınebaılanys arqyly bul kórsetkish 40 adamǵa jetken. Qazirgi kezde elimizdiń barlyq aımaqtarynda emhanalyq deńgeıdegi zerthanalarda buryndary 2-2,5 aı kútetin saraptama qorytyndysyn eki saǵatta anyqtaýǵa múmkindik týyp otyr.
Málik Ádenov sońǵy on jyldaǵy kórsetkishterdiń 2,4 esege deıin tómendeýi, búgingi Qazaqstan medısınasynyń jetistigi dep atap ótti. Naýqastan kóz jumǵandar árbir júz adamǵa shaqqanda 5,4 paıyzǵa tómendegen. Mysaly, 2000 jyldardyń bas kezinde 4000-nan asa naýqas kóz jumǵan bolsa, ótken jyly bul kórsetkish 500 shamasynda boldy. Al on jyl burynǵy kórsetkish boıynsha 31 000 bolsa, ótken jylǵy málimetter boıynsha elimizde 16 myń naýqas tirkelgen.
Salada júrgizilgen nysandy baǵdarlamalarǵa oraı ýnıversıtet bitirgen mamandar úshin 6 aı tájirıbeden ótip, rezıdentýrany aıaqtamastan kásibı jumysyn jalǵastyrý múmkindigi jolǵa qoıyldy. Sonyń nátıjesinde aımaqtardaǵy ftızıator mamandaryna degen suranys 2016 jyly 240-tan ótken jylǵy kórsetkishke sáıkes 106-ǵa deıin tómendegen.
Búginde týberkýlezben kúres memleket tarapynan keshendi túrde júzege asyp keledi. Sonyń nátıjesinde týberkýlezge qarsy barlyq dári-dármekter qoljetimdi. Qurt aýrýyn emdeý men aldyn alý jaǵynan Qazaqstan Ortalyq Azııa elderi men kórshi Reseıden alda keledi.
Eńbek mıgranttaryn emdeýde de Qazaqstanda tıimdi baǵdarlamalar qarastyrylǵan. Olardyń tegin emdelýi men aldaǵy ýaqytta óz elinde emin jalǵastyrýyn qadaǵalaý maqsatynda Tájikstan, Qyrǵyzstan elderimen kelisimder jasalyp, bul tájirıbe О́zbekstanmen de júzege asatyn bolady.
Ulttyq ftızıopýlmonologııa ǵylymı ortalyǵy Álemdik densaýlyq uıymymen áriptestikte jumys istep keledi. Atalǵan uıym elimiz aımaqtarynda qurt aýrýyna shaldyqqan naýqastardyń emdelý barysyn qadaǵalap, qazaqstandyq dárigerlerdiń týberkýlezdi emdeý sharalaryn qalaı júzege asyratyndyǵyna saraptama jasap otyrady. Osyndaı yqpaldastyqtar men halyqaralyq áriptestikter nátıjesinde adamzat ómirine qaýip tóndiretin dertpen kúres kúsheıtilgen.
Elvıra Serikqyzy,
«Egemen Qazaqstan»
ALMATY