Astana qalasynda ótken Almaty oblysynyń kúnderi aıasynda jetisý agrarlary jalpy quny 270 mln teńge bolatyn 470 tonna aýyl sharýashylyǵy ónimin saýdaǵa shyǵardy.
Elordadaǵy «Qazaqstan» sport kesheniniń janynda ótken jármeńkege jurt kóp jınaldy. Astanalyqtarǵa usynylǵan azyq-túlik, kókónis ónimderiniń baǵasy arzan, sapasy joǵary bolǵandyqtan saýda qyzyp berdi. Bul joly Almaty oblysynyń 17 aýdany men 3 qalasynyń sharýalary 17,0 tonna et ónimderni, 21,9 tonna sút ónimderin, 12,4 tonna balyq pen 106,1 tonna kókónis, 43,4 tonna jemis-jıdek jáne 43,3 tonna kartop ónimderin bazarlady.
Jalpy, jetisýlyq sharýalar eki kún boıy ótken jármeńkede 48 túrli ónim saýdalap, elorda turǵyndarynyń suranys qanaǵattandyrǵan.
Qalmahanbet MUQAMETQALI,
«Egemen Qazaqstan»
Almaty oblysy