Almaty oblysynda ótken 8 aı ishinde turǵyn úı salý jumystary qarqyn alyp, baspanamen qamtýdy baǵytynda eleýli is atqarylǵan.
Naqty aıtqanda, aımaqta qurylys-montaj jumystary 1,3 % ulǵaıyp, 454 myń sharshy metr turǵyn úı paıdalanýǵa berildi. Sondaı-aq, 7-20-25 baǵdarlamasy boıynsha jyldyń sońyna deıin 589 páterli 17 úıdi iske qosý kózdelip otyr. Onyń ishinde Qarasaı aýdanynda 3 úı salý josparlanǵan bolsa, qazir onyń bireýi paıdalanýǵa berilgen. Al Talǵar aýdanynda josparlanǵan 9 kóp páterli úı, Taldyqorǵan qalasyndaǵy 3 kóp páterli úı, jáne Qapshaǵaı qalasynda 2 úı berilip qoldanysqa jiberildi.
Jalpy bıyl oblysta 706,6 myń sharshy metr turǵyn úı salý josparlanǵan bolsa, onyń 76,9 myń sharshy metri «Nurly jol» baǵdarlamasy boıynsha iske qosylmaq. Bul maqsatqa qazynadan 12,6 mlrd. teńge bólingen. Jáne de ınjenerlik-kommýnıkasııalyq ınfraqurylym qurylysy boıynsha jalpy somasy 6,9 mlrd. teńgege 47 joba júzege asyrylyp jatyr.
Qalmahanbet MUQAMETQALI,
«Egemen Qazaqstan»
Almaty oblysy