Múmkindigi shekteýli jandardyń ómir sapasyn jaqsartý – «Nur Otan» partııasynyń jumysyndaǵy basym baǵyttardyń biri. Bul jóninde partııa Tóraǵasynyń Birinshi orynbasary Máýlen Áshimbaev bilim berýde erekshe jaǵdaıdy talap etetin balalarǵa arnalǵan «VI-Juldyzaı» respýblıkalyq spartakıadasynyń ashylý saltanatynda aıtty. Bıyl atalǵan saıys Astananyń 20 jyldyǵy aıasynda uıymdastyrylyp otyr.
Spartakıada 2016 jyldan beri «VI-Juldyzaı» korporatıvti qorynyń bastamasymen «Nur Otan» partııasynyń, Bilim jáne ǵylym mınıstrliginiń, Mádenıet jáne sport mınıstrliginiń, Nazarbaev ýnıversıtetiniń, sport federasııalarynyń, Paralımpıadalyq komıtettiń jáne Astana qalasy ákimdiginiń qoldaýymen ótkizilip keledi.
Qatysýshylar mını-fýtbol, golbol, jeńil atletıka, júzý, ústel tennısi sııaqty sport túrlerimen qatar asyq atý, bes tas syndy ulttyq oıyndardan da synǵa túsedi. Respýblıkalyq spartakıadaǵa elimizdiń barlyq aımaǵynda ótken irikteý jarystarynda top jarǵan balalar qatysýda. Irikteý saıysyna elimizdegi 97 mamandandyrylǵan ınternatta oqıtyn jáne jalpy bilim beretin mektep ustazdarynyń jetekshiligimen úıden bilim alatyn úsh myńǵa jýyq balalar men jasóspirimder qatysty. Nátıjesinde olardyń 411-i respýblıkalyq dodaǵa joldama aldy.
Saltanatty rásimde barsha qatysýshylardy spartakıadanyń ashylýymen quttyqtaǵan «Nur Otan» partııasy Tóraǵasynyń Birinshi orynbasary jas sportshylarǵa sáttilik tiledi.
– Búgingi saıysty batyldyq pen tózimdiliktiń, qaırat pen qajyrlyqtyń jáne namys pen asqaq rýhtyń jarqyn kórinisi deýge ábden bolady. Sondyqtan spartakıadanyń ár qatysýshysy qandaı nátıje kórsetse de jeńimpaz dep tanylatyny sózsiz. О́ıtkeni osyndaı iri jarysqa kelip, qatysýdyń ózi, shyn máninde, úlken jetistik, – dedi Máýlen Áshimbaev.
Sonymen qatar ol bul baǵytta elimizde jasalyp jatqan jumystarǵa nazar aýdaryp:
– Kez kelgen eldiń damýyn anyqtaıtyn túrli kórsetkishter bolady. Solardyń biri jáne eń mańyzdysy – múmkindigi shekteýli jandardyń ómir sapasy. Eger mundaı jandardyń quqyǵy qorǵalyp, barlyq qajetti jaǵdaı jasalsa, ondaı memleketti jan-jaqty damyǵan dep aıtýǵa tolyq negiz bar. Osy turǵydan kelgende, Qazaqstanda Elbasymyzdyń tikeleı tapsyrmasymen júıeli jumystar júrgizilip jatqanyn atap ótken jón. Iаǵnı, elimizde ınklıýzıvti bilim berý júıesin engizý, kedergisiz orta qalyptastyrý, múmkindigi shekteýli jandardyń jumysqa ornalasýyna qoldaý kórsetý jáne osy salaǵa qatysty zańnamalardy odan ári jetildirý jumystary qarqyndy júrgizilip jatyr, – dedi.
Sondaı-aq bul jumystarǵa tek memlekettik organdar ǵana emes, saıası partııalar, qoǵamdyq birlestikter, úkimettik emes uıymdar jáne bıznes qaýymdastyqtar da belsendi at salysýy tıis ekenin aıtqan «Nur Otan» partııasy Tóraǵasynyń Birinshi orynbasary memleket pen qoǵam birlesip áreket etkende ǵana joǵary nátıjelerge qol jetkizýge bolatynyn atap ótti.
– «Nur Otan» partııasy da bul baǵytta aýqymdy jumystar atqaryp jatyr. Atap aıtqanda, «Kedergisiz keleshek» partııalyq jobasy aıasynda kóptegen ıgi bastamalar júzege asyrylýda. Osy rette aldaǵy ýaqytta partııa «VI-Juldyzaı qorymen jáne osy salada eńbek etip júrgen basqa da uıymdarmen tyǵyz baılanys ornatýǵa árdaıym daıyn, – degen Máýlen Áshimbaev balalardy yntalandyryp, rýhanı kúsh-qýat beretin osyndaı bastama úshin uıymdastyrýshylarǵa alǵysyn bildirdi.
Jas sportshylarǵa sáttilik tilep, quttyqtaǵandardyń qatarynda júzýden 2016 jyly Rıo-de-Janeıro qalasynda ótken Paralımpıada oıyndarynyń chempıony Zúlfııa Ǵabıdýllına, «BI Group» kompanııasy Basqarma tóraǵasynyń orynbasary, Dırektorlar keńesiniń múshesi Arman Ahmetov jáne taǵy da basqa belgili qaıratkerler boldy.
Saıys qatysýshylary úshin eń jarqyn sátterdiń biri retinde belgili telejúrgizýshi, qoǵam qaıratkeri Arýjan Saınnyń jetekshiligimen ótken jattyǵý bolǵanyn aıtýǵa bolady. Odan bólek, spartakıada aıasynda arbaǵa tanylǵan jandarǵa arnalǵan «Bocha» oıyny boıynsha bilikti jattyqtyrýshylardyń sheberlik saǵattary uıymdastyryldy.