Búgin Májilis Tóraǵasy Nurlan Nyǵmatýlın Qazaqstandaǵy Kýbanyń Tótenshe jáne О́kiletti Elshisi Emılıo Pevıda Pýpony qabyldady.
Kýba elimizdiń Karıb basseıni óńirindegi mańyzdy seriktesi ekenin atap ótken Májilis Tóraǵasy dıplomatııalyq qarym-qatynas ornaǵan 25 jyl ishinde eki el arasynda senimdi saıası únqatysý ornaǵanyn aıtty.
Áńgimelesý barysynda 2016 jyly Qazaqstan Prezıdenti Nursultan Nazarbaevtyń Kýbada ótken alǵashqy resmı saparyna nazar aýdarǵan N.Nyǵmatýlın onyń ekijaqty yntymaqtastyqty nyǵaıtýdaǵy mańyzdylyǵyna toqtaldy.
Sonymen qatar, kezdesýde saýda-ekonomıkalyq yntymaqtastyqty damytý jáne iskerlik baılanystardy arttyrý máselesine kóńil bóldi. Ondaǵy basym baǵyttardyń qatarynda - týrızm, farmasevtıka jáne bıotehnologııa salalary bar.
Nurlan Nyǵmatýlın tıisti komıtetter men yntymaqtastyq toptardyń múmkindikterin paıdalana otyryp, Qazaqstan-Kýba parlamentaralyq baılanystaryn nyǵaıtýdy tereńdetý, sonymen qatar, zań shyǵarý qyzmetinde tájirıbe almasýdy odan ári jetildirýdiń qajettiligin atap ótti.
О́z kezeginde Emılıo Pevıda Pýpo bizdiń elimizge, ásirese bilim berý salasynda, Kýbaǵa kómek kórsetkeni úshin alǵysyn bildirip, olardyń óz Otanynda tabysty eńbek etip jatqanyn alǵa tartqan dıplomat aldaǵy ýaqytta da eki jaqty qarym-qatynastardy damytý jolynda belsendi jumys isteıtinin jetkizdi.