Bul týraly Densaýlyq saqtaý vıse-mınıstri O. A. Ábishev baspasóz máslıhatynda aıtty.
Brıfıng barysynda vıse-mınıstr 2019 jyldan bastap Qazaqstan medısınalyq qyzmet kórsetý boıynsha tolyqtaı elektrondy nusqaǵa kóshetinin aıtty.
Baspasóz máslıhatynda atalǵan salany sıfrlandyrý, aqparattyq júıelerdi, mobıldi densaýlyq saqtaý elementterin engizý, emdeý josparlaryn dıagnostıkalaý jáne basqarý, jasandy ıntellekt qurý jáne engizý, aqparattyq jáne ınteroperabeldilik úshin platformany jetkizý sııaqty sandyq máseleler talqylanady.
Vıse-mınıstr sonymen birge, Medısınalyq aqparattyq júıelerdi «Qala, aýdan ortalyǵy» deńgeıinde qamtý 96,7 quraǵanyn atap ótti. Al osy jyldyń sońyna deıin bul kórsetkishti 100 paıyzǵa jetkizý josparlanǵan.
Sonymen qatar O. Ábishev 2017 jyly 14 qyrkúıekte QR DSM men IBM kompanııasy arasynda Watson for oncology - jasandy ıntellektti engizý boıynsha yntymaqtastyq týraly memorandýmǵa qol qoıylǵandyǵyn eskertti. Onyń sózine qaraǵanda, onkologııa jáne radıologııa ǴZI bazasyndaǵy pılottyq testileý kezinde onkolog dárigerlerdiń qatysýymen 13 nozologııa túri boıynsha 57 em júrgizilgen.
Dárigerler júrgizgen saýalnama qorytyndysy boıynsha qatysýshylardyń 90 paıyzy pılottyq testileýdiń tıimdiligin kórsetken.
Sonymen qatar, vıse-mınıstr elektrondyq densaýlyq pasportynyń tıimdiligi týraly aıtty. Naýqas týraly barlyq aqparatty bir repozıtorıinde saqtaıtyn elektrondyq densaýlyq pasporty eldegi medısınalyq uıymdarda naýqasty qaraý jáne emdeý nátıjeleri týraly málimetterdi qamtıdy. Elektrondyq densaýlyq pasportynda ár adamnyń dári-dármekterge allergııalyq reaksııasy, qarapaıym dıetalyq jaǵdaıǵa deıingi barlyq málimetter saqtalady. Sonymen qatar, pasport arqyly urpaq qýalaıtyn, ıaǵnı hronologııalyq aýrýlardy, durys tamaqtaný júıesin, densaýlyq saqtaýdyń barlyq qaǵıdasyn bilýge bolady.