Burynǵydaı emes, qazirgi jas analardyń densaýlyǵynda ózderi baıqaı bermeıtin kinárat kóptep kezdesedi. Bul qorshaǵan orta men kúndelikti ustanatyn ómir saltyna jáne turmys deńgeıine baılanysty týyndaıdy. Sondyqtan júktilik kezinde ıogamen aınalysý deni saý bala kóterýge jáne týýǵa jaqsy kómektesetini týraly tájirıbemizdi bólisýdi jón sanadyq.
Júktiliktiń birinshi toqsanynda ıoga «sergitetin qural» retinde óte paıdaly. Kúndelikti oryndalatyn jattyǵýlar júıke júıesin jáne emosııalyq jaǵdaıdy turaqtandyrady, sharshaý, uıqyshyldyq, álsizdik sezimin jeńýge kómektesedi. Ioga sondaı-aq fızıkalyq jaǵdaıdy jaqsartýǵa jaqsy áser etedi. Qalypty júktemeler arqa bulshyq etterin kúsheıtip, ıkemdiligin arttyrady. Bul júktiliktiń qolaıly ótýine qajet jáne jeńil bosanýǵa kómektesedi.
Iogamen júktiliktiń ekinshi toqsanynda aınalysý bolashaq ana úshin altyn kezeńge balanady. Toksıkoz jáne sharshaý sııaqty jaısyzdyq, jańa jaǵdaıǵa baılanysty alańdaýshylyq pen qorqynysh artta qalady.
Júktiliktiń ekinshi toqsanynda ıogamen aınalysý deneni úshinshi toqsanǵa, ıaǵnı qursaqtyń úlkeıýine daıyndaýdyń keremet joly. Sonymen qatar bosanatyn jas analar aınalysýy qajet. Bul kezde jattyǵýlar keshenine varıkozdyń aldyn alýǵa kómektesetin jattyǵýlar qataryn qosý kerek. Osy arqyly jeńil aýdarylǵan dene kúıin qabyldaý jaqsy kómektesedi. Keýde qýysyn ashyq ustap otyrý qalyby júktiliktiń ekinshi toqsanyndaǵy jaǵymsyz serigi qyjyldy boldyrmaýǵa kómektesedi. Eger jattyǵýlar kesheninde deneni nyǵaıtýǵa, arqaǵa jáne belge túsetin aýyrlyqty jeńildetýge arnalǵan qalyp bolsa jaqsy áser etedi. Asanalardy oryndaý, sonymen birge tynys alýdy saqtaýǵa kómektesedi, tynys alý tehnıkasyn jetildiredi. Sondaı-aq júrek-qan tamyr júıesi úshin paıdaly, uryqqa otteginiń kóp mólsherde jetkizilýin qamtamasyz etip, jaqsy damýyna yqpal etedi.
Júktiliktiń úshinshi toqsanynda ıogadan bas tartpańyz. Jattyǵýlardy ári qaraı jalǵastyrýdyń kómegi zor. «Ruqsat etilgen» jattyǵýlardy bastaǵanda, valıkterdiń, bloktardyń, kórpelerdiń jáne tepe-teńdikti, turaqtylyqty, sondaı-aq saqtandyrýdy qamtamasyz etetin basqa da quraldardyń barlyq túrin qoldaný kerek. Jalpy alǵanda júktiliktiń úshinshi toqsanynda ıoga bolashaq anany tynyshtandyrýǵa, bosańsytýǵa, bosatýǵa baǵyttalýy tıis. Sonymen qatar jattyǵýlardy únemi oryndaý barysynda áıel bosanýǵa jan-jaqty daıyndalady. Tipti osy kezeńde kóńil kúıi de jaqsarady. Osylaısha, ıoga júktiliktiń úshinshi toqsanynda durys tynys alý ádisin úıretý, beldegi, aıaq pen arqadaǵy aýyrlyqty jeńildetý, uıqyny jáne asqazan-ishek jolynyń fýnksııasyn jaqsartýdyń keremet quraly bolmaq. Sonymen qatar ıoga kómegimen áıel bulshyq etter men sińirlerdi kúsheıtetin jattyǵýlardy jasaý arqyly deneni bosanýǵa jaqsy daıyndaıdy. Sondaı-aq kúızelisti boldyrmaıdy nemese joıady, ıoganyń kómegimen qan aınalymy jaqsaryp, bas aınalýy men bas aýrýlary báseńdeıdi.
Natalıa RAZÝVAEVA,
Astana qalasy
№3 perınataldy ortalyǵynyń akýsher-
gınekolog dárigeri