Oblys ortalyǵynda jylytý maýsymy jyldaǵydan on kún erte bastaldy.
Petropavl qalasy ákiminiń orynbasary Qaırolla Ǵaleevtiń málimdeýinshe jylý birinshi kezekte densaýlyq saqtaý, bilim berý salalarynyń ǵımarattaryna berilip, áleýmettik nysandardyń 70 paıyzdaıy qamtylǵan. Byltyr jylý berý merziminen kesh bastalsa, bıyl jergilikti bılik oryndary erte qamdanǵanǵa uqsaıdy.
Bir myńǵa jýyq kópqabatty úılerdiń 700-ne jylý eseptegish quraldary ornatylǵan. «Petropavl jylý jelileri» JShS –i 10,5 shaqyrym jylý magıstralin qalpyna keltirgen. 44 sorǵy stansııasy ázir. № 2 Petropavl jylý elektr ortalyǵy 6 qubyr men 8 qazandyqty jóndeýden ótkizgen. «Qyzyljar sý» kásiporny 326 shaqyrym jylý qubyryna jýyp-shaıý jumystaryn júrgizgen.
Desek te, beıqamdyqqa salynýǵa bolmaıdy. О́ıtkeni jekelegen turǵyndar men páter ıeleri kooperatıvteriniń qımyly baıaý. Sonyń saldarynan kópqabatty turǵyn úılerdiń jartysynyń ǵana daıyndyq pasporty tekserilgen.
Petropavl qalasy jylýmen 25 qyrkúıekke deıin tolyq qamtamasyz etilmek.
О́mir ESQALI,
«Egemen Qazaqstan»
Soltústik Qazaqstan oblysy