Qyzylorda oblysynyń ákimi Qyrymbek Kósherbaev qaladaǵy shyny zaýytynyń qurylys alańyna baryp, iske qosylatyn barlyq 4 nysannyń qurylys jumystarymen tanysty.
Qyzylorda oblysynyń ákimi Qyrymbek Kósherbaev qaladaǵy shyny zaýytynyń qurylys alańyna baryp, iske qosylatyn barlyq 4 nysannyń qurylys jumystarymen tanysty dep habarlaıdy «Egemen.Kz» tilshisi.
Qazirgi ýaqytta qurylys alańynda 17 merdiger kompanııadan 240-qa jýyq adam jumys istep jatyr.
Bıýdjettik qarajat esebinen shyny zaýytyna qajetti barlyq ınfraqurylym jetkiziledi. Búgingi tańda gaz qubyrynyń eki tarmaǵy, sýmen jabdyqtaý, káriz júıesi, elektr jelileri, joldar men baılanys jelileri tartyldy.
Aǵymdaǵy jyldyń qarasha aıyna deıin temir joldyń qurylysyn aıaqtaý josparlanyp otyr.
Buǵan deıingi seriktestigi ózgergen zaýytqa «Chaına Trıýmf» kompanııasy kún batareıalary, smartfondar men planshetter ( qýattylyǵy kúnine 250 tonna ýltra juqa shyny óndiretin zaýyt ) úshin paıdalanylatyn óte juqa ári ýltra móldir shyny óndirý úshin ınvestor retinde qosyldy.
Jańa jobanyń quny shamamen 150 mıllıon AQSh dollaryn quraıdy.
Baqtııar TAIJAN,
«Egemen Qazaqstan»
Qyzylorda oblysy