«Resmı málimetter boıynsha «Florens» daýylynyń nátıjesinde zardap shegýshiler sany 37-ge jetti»,-dep habarlaıdy USA Today basylymy.
Eldiń ońtústik-shyǵys jaǵalaýyn jaıpap ótken apattan zardap shekkender qatarynda 2 bala bar.
Daýyl 14 qyrkúıek kúni Soltústik Amerıkanyń jaǵalaýlaryna jetken edi. Mamandardyń aıtýynsha, apattyń kúshi birden álsireı bastasa da, soqqan jeldiń jyldamdyǵy 75 kılometrden aspady. Degenmen, apattyń zardaby aıtarlyqtaı úlken. О́ıtkeni tilsiz jaý ózimen birge alapat daýyldy ǵana emes, úlken jaýyn-shashyndy ala keldi. Sonyń nátıjesinde aımaqta sý deńgeıi shekten tys kóterilip, myńdaǵan úı sý astynda qaldy.
Sınoptıkterdiń jedel aqparat berip otyrǵanyna qaramastan, apat zardabynan saqtaný múmkin bolmady.