Ortalyq kommýnıkasııalar qyzmetinde turǵyn úıge arnalǵan memlekettik baǵdarlamalardyń iske asyrylýyna arnalǵan baspasóz konferensııasy ótti.
«Nurly jer» memlekettik baǵdarlamasynyń iske asyrylýy men «7-20-25» halyqqa jeńildetilgen nesıe berý baǵdarlamasynyń iske qosylýyna baılanysty turǵyn úı qurylysyna salynǵan ınvestısııanyń ósimi baıqalyp otyr. 2018 jyldyń 8 aıynyń qorytyndysy boıynsha 702 mlrd. teńgege jýyq ınvestısııa tartyldy. Ol ótken jyldaǵy deńgeıden 31%-ǵa artyq. Bıyl 7,7 mln. sharshy metr turǵyn úı paıdalanýǵa berildi, bul 2017 jyldyń sáıkes kezeńimen salystyrǵanda 112%-ǵa artyp otyrǵanyn aıtty Ortalyq kommýnıkasııalar qyzmetinde ótken baspasóz konferensııasynda QR Investısııalar jáne damý mınıstri Jeńis Qasymbek.
«Respýblıka boıynsha barlyǵy 67 myńnan astam baspana paıdalanýǵa berildi, onyń ishinde 27 myńǵa jýyq jeke úı bar. Jospar jyl sońyna deıin tolyq kólemde oryndalatyn bolady (jospar 12,1 mln. sh. m). Aıta ketetin bir jaıt, buryn jeke turǵyn úı salý qurylysy basym bolsa, qazir kópqabatty úılerdiń kólemi artty»,-dep málimdedi Jeńis Qasymbek.
Baspana satyp alýǵa múmkindikteri joq halyqtyń áleýmettik álsiz toptary úshin jyl saıyn satyp alý quqyǵynsyz arendalyq 3 myń páter salynady.
«Baǵdarlamada 2 jyl ishinde barlyǵy 6182 arendalyq páterdi (331,0 myń sh. m) paıdalanýǵa berý josparlanǵan. Bıylǵy jyldyń 8 aıyndaǵy 922 páterdi (49,6 myń. sh. m) qosqanda búgingi kúni 3542 páter salyndy (196,2 myń sh. m). Áleýmettik turǵyn úıdiń 1 sharshy metrin jaldaý tólem aqysy shamamen 100 teńgeni quraıdy», - dep atap ótti mınıstr.
2 jylǵa jýyq ýaqytta ákimdikte kezekte turǵan azamattar (turaqty tabystary bar muǵalimder, dárigerler, memlekettik qyzmetkerler) men Turǵyn úı qurylys jınaq júıesi salymshylary úshin bıylǵy 8 aıda tapsyrylǵan 1970 páterdi qosqanda 18,5 myń kredıttik páter paıdalanýǵa berildi.
«Nurly jer» baǵdarlamasy aıasynda bıyldan bastap jyl saıyn 40 myń ýchaskege ınfraqurylym jelilerin tartýdy josparlanyp otyr. 14 oblys ortalyǵynda bir sharshy metriniń quny 120 myń teńgeni quraıtyn biryńǵaı sáýlettik stılde pılottyq jobalardy iske asyrý jalǵastyrylýda.
«Baspana» ıpotekalyq uıymynyń deregi boıynsha, baǵdarlama iske qosylǵannan bergi 2 aıda halyqtan qatysýshy-bankterge ıpoteka alýǵa 2562 ótinish túsken. Búgingi tańda jalpy somasy 20,0 mlrd. teńgege 1695 ıpotekalyq qaryz berý qoldaý tapty. Qalǵan ótinishter ekinshi deńgeıli bankterdiń qaraýynda jatyr.