Eýrazııalyq Toptyń alyp kásiporyndary ornalasqan Rýdnyı, Hromtaý jáne bizdiń óńirdegi Aqsýda ótken alǵashqy júgirý festıvaline uıymdastyrýshylardyń málimetinshe, 3 myńnan astam adam qatysty.
Festıvalǵa tek ERG kásiporyndarynyń jumysshy-qyzmetkerleri ǵana emes, qala turǵyndary men qonaqtary tirkelip, qatysýǵa múmkindik aldy.
Eýrazııalyq Top sportty qoldaıdy. Sport salasyn belsendi damytyp, salamatty ómir saltyn kásiporyndarynda jáne qala turǵyndary arasynda da barynsha keńinen nasıhattaýda, – deıdi Eýrazııalyq Top basqarma tóraǵasy Serik Shahajanov.
– О́ıtkeni, bizdiń top alǵa qaraı damýǵa umtylatyn adamdardy qoldaıdy. Sol úshin biz ERG-diń kez kelgen jumysshy-qyzmetkeri men Top kásiporyndary ornalasqan qalalardyń kez kelgen turǵynyna sportty qoljetimdi etýdi maqsat ettik. Kúzgi júgirý festıvalin Toptyń eldegi buqaralyq sportty damytýǵa baǵyttalǵan alǵashqy qadamdarynyń biri.
Júgirý festıvali úsh qalada bir ýaqytta bastaldy. Uıymdastyrýshylar 3, 5 jáne 10 km qashyqtyqtardan bólek, balalar arasynda da júgirý jarysyn ótkizdi.
Aqsýdaǵy «ERG Run Fest» júgiris joly qalanyń ortalyq kóshelerin qıyp ótti. Júgirýge qatysýshyny turǵyndar kóshe boıy qoldap, demep otyrdy. Ekibastuzdyq sportshy, álemdegi shólderdi jaıaý júgirip ótken Marat Jylanbaev festıvaldiń qurmetti qonaǵy boldy.
– Sport merekesine qatysqanyma qýanyshtymyn, –deıdi festıvalge qatysý úshin Qaraǵandydan arnaıy kelgen Aleksandr Zakalenkov. –daıyndyqty erte bastap, júgirgen saıyn jeńildep, shyńdalyp qaldym.
ERG-diń sport pen «Salaýatty ómir saltyn saqtaý» ortalyǵynyń jetekshisi Oljas Orazbaevtyń aıtýynsha kúzgi júgirý festıvaline qatysqan árbir adam ózderine erekshe syılyq jasap, densaýlyqtaryn shyńdap, jaqsy kóńil-kóńil kúıde boldy.
Farıda BYQAI
«Egemen Qazaqstan»
PAVLODAR
Sýretti túsirgen : Irına Sychına