Búgin QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda QR ishki ister mınıstri Q. Qasymovtyń qoǵamdyq qaýipsizdikti qamtamasyz etý jáne jergilikti polısııa qyzmetiniń tıimdiligin arttyrý jónindegi baıandamasy, sondaı-aq, jergilikti polısııa qyzmetiniń basshylyǵyna mindetter júktep, taǵaıyndaý ókilettigi bar ákimderdiń esepteri tyńdaldy.
Máseleni qarastyrý barysynda QR Premer-Mınıstri Baqytjan Saǵyntaev ishki ister mınıstri Q. Qasymovtyń nazaryn júrgizilgen zańnamalyq ózgeristerge aýdardy. Qoǵam jýyrda qabyldanǵan zańnan kóp nárse kútip otyr, onyń aıasynda ishki ister departamentteri polısııa departamentteri bolyp ózgertildi, al jergilikti polısııa qyzmeti olardyń quramyna endi.
Premer-Mınıstr sonymen qatar kadrlyq máselelerdi sheshýge kóńil bóldi. Bul ýchaskelik ınspektorlarǵa (birqatar óńirlerde JPQ bólimsheleriniń shtattyq sanynda 10% astam bos oryn bar) jáne jergilikti polısııa qyzmetiniń jeke quramyna (JPQ), atap aıtqanda, serjant qyzmetterin ofıserlik qyzmetterge kezeń-kezeńmen aýystyrýǵa qatysty. Sonymen qatar, «mekteptik» ınspektorlar tájirıbesin damytý máselesine asa baıypty qaraý qajet. Atalǵan baǵytta Baqytjan Saǵyntaev ınspektorlary bar jáne joq mektepter boıynsha jasóspirimder qylmysy statıstıkasyn zerdeleý qajettigin atap ótti.
Máseleni qaraý qorytyndysy boıynsha, QR Premer-Mınıstri Baqytjan Saǵyntaev ákimderge óńirlerde oryn alyp jatqan máselelerdi qaraı otyryp, Quqyq buzýshylyqtardyń aldyn alý jónindegi vedomstvoaralyq komıssııalardyń arnaıy otyrystaryn ótkizip, qoǵamdyq qaýipsizdik deńgeıin edáýir nyǵaıtýǵa yqpal etetin sharalar qabyldaýdy tapsyrdy.
Budan ózge, B. Saǵyntaev Ishki ister mınıstrliginiń aqparattyq turǵydan ashyq bolýy qajettigine nazar aýdardy. Qylmyspen kúres, rezonanstyq tergeý jumystary, qoǵamdyq qaýipsizdik máseleleri boıynsha IIM baspasóz ortalyǵynda jaýapty tulǵalardyń qatysýymen júıeli túrde brıfıngter ótkizý tapsyryldy.
Q. Qasymovqa IIM Qoǵamdyq keńesiniń rólin jandandyrý tapsyryldy. Atalǵan másele kelesi jyly Úkimet otyrysynda qaralady.