Kogel jańa toptamalaryn usyndy

Reseı eksport ortalyǵynyń halyqaralyq jobalar boıynsha dırektory Andreı Arhıpov mundaı is-sharalar jeńil óner­kásip salasyndaǵy ekijaqty saýda qarym-qatynastaryn damy­týdyń yqpaldy mehanızmi eke­nin atap ótti. «Búgingi sharaǵa Qazaq­stan naryǵyna qa­tysty naqty jospary bar 25 kom­panııa ókilderi shaqyrylǵan. Tu­ty­nýshylar qatary fızıkalyq tulǵa bolǵanymen, jumys isteýde naryqtyń óz zańdylyqtary bar ekeni belgili. Osyǵan oraı shaǵyn jáne orta kásipkerlikke baılanysty ázirlengen naqtyly jos­parymyzdy usynyp otyrmyz. Sharaǵa daıyndyq barysynda ózara qyzyǵýshylyq tanytqan taraptar arasynda kelissózder júrgizildi», dedi Andreı Arhıpov.

Iskerlik kelissózder barysynda Qazaqstandyq óndirýshiler reseılik áriptesterimen táji­rıbe almastyrý arqyly taýar­lardyń keńinen taralý má­sele­lerin talqylady. Kogel sán úıi­niń satý boıynsha dırektory Inga Faızýllaeva mundaı shara­lardyń tutyný naryǵyn damytýda mańyzy zor ekendigin aıtady. 

– Qazaqstandyq áripteste­rimizben dostyq, iskerlik baılanys­tardy damytyp jat­qanymyz úshin óte qýa­nysh­tymyz. Bizdiń sán úıi kez kelgen ýaqytta yńǵaılylyq pen jaılylyqty birinshi orynǵa qoıady. Úlken megapolıste tańerteń úıden ne kıip shyǵatynyń mańyzdy. Osyǵan oraı bizdiń toptamamyzda tańerteń ofıske, keshkisin meıramhanaǵa kıip barýǵa bolatyn kóp fýnksııaly kıimder bar. Eń bastysy qarapaıym bolsa da kóz tartarlyq sándi bolýy mańyzdy. Qazaq qyz­dary óte sulý. Bizdiń toptamamyz qazaqstandyqtardyń ulttyq uıań minezine dál keletin sııaqty, – degen ol kúzgi trendte sur, qara, qarakók, aq syndy klassıkalyq tústerge basymdyq bergendi jón sanaıdy.

Is-sharany uıymdastyrýǵa Reseı Eksport ortalyǵy memle­ket­tik ınstıtýty, Astana ákimdigi, Astana qalasynyń kásipkerler pala­tasy jáne «Astana Konvenshn Bıýrosy» JShS qoldaý kórsetip otyr. 

Aıa О́MIRTAI,

«Egemen Qazaqstan»