Golftan aıtýly Raıder kýbogy bıyl alǵash ret Fransııada ótedi, dep habarlaıdy Euronews.
AQSh pen Eýropa quramalary juma kúni Parıjge jaqyn Sen-Kanten-an-Ivelındegi Golf National alańynda kezdesedi.
Ázirge qurama kapıtandary tartysqa qatysatyn oıynshylar tizimin jasaqtaýda.
Amerıka golfshysy Fıl Mıkelson «Bizdiń aldymyzda qıyn mindet tur. Bizge qarsy Eýropanyń talantty komandasy óner kórsetpek. Olardyń qatarynda alǵyr jas oıynshylar bar. Komanda tájirıbeli, basshylyǵy myqty. Buǵan qaramastan, men óz komandamdy, jattyqtyrýshylarymdy jaqsy kóremin. Eki qurama úshin de aldaǵy oıyn qıyn ári tartysty bolmaq. Eger osy joly jeńiske jetsek, men ony ómir boıy esimde saqtaımyn», dedi ol.
Seısenbi kúni alǵashqy jattyǵýlar bastaldy. Eýropa quramasynyń sapyndaǵy Soltústik Irlandııalyq Rorı Makılroı jarysqa áıgili amerıkalyq sportshy Taıger Výdstyń qatysýy týraly: «Meniń oıymsha, onyń qatysýy AQSh komandasy úshin jaqsy nátıje alyp kelýi múmkin. Biz tek Taıger Výdsty emes, túgel Amerıka quramasyn jeńýge nıettimiz» dedi.
Jarys jeksenbi kúni aıaqtalady. Oıyndy tamashalaýǵa 300 myńǵa jýyq kórermen keledi dep kútilýde.