Nursultan Nazarbaev Táýelsiz Memleketter Dostastyǵyna múshe elder basshylary keńesiniń otyrysyna qatysty, dep habarlaıdy Aqordanyń baspasóz qyzmeti.
Otyrysta Memleket basshysy TMD aıasyndaǵy qarym-qatynastardy nyǵaıtyp, damytý úshin atqarylǵan jumystardyń nátıjelerine toqtaldy.
Nursultan Nazarbaev uıymdy reformalaý jáne Dostastyqtyń tujyrymdamalyq qujattaryn jańartý jolynda qolǵa alynyp jatqan sharalardyń tıimdiligin atap ótti.
Qazaqstan Prezıdenti memleketaralyq qatynastardy odan ári tereńdetýge septigin tıgizetin birqatar perspektıvti baǵyttarǵa nazar aýdardy.
Atap aıtqanda, Memleket basshysy TMD-nyń ekonomıkalyq negizin nyǵaıtý jáne elder arasyndaǵy saýda kedergilerin joıýǵa baǵyttalǵan sharalar qabyldaý qajettigi týraly aıtty.
Sondaı-aq, Nursultan Nazarbaev saýda-ekonomıkalyq qatynastardy keńeıtý jáne TMD-ǵa múshe barlyq elderdiń kólik-tranzıt áleýetin paıdalaný jónindegi máselelerge toqtaldy.
Qazaqstan Prezıdenti ǵylymı-ǵarysh, sıfrlandyrý jáne týrızm salalaryndaǵy birlesken jobalardy iske asyrý máselesine nazar aýdardy.
Memleket basshysy Qazaqstanda qurylǵan «Astana» halyqaralyq qarjy ortalyǵynyń erekshelikteri jóninde áńgimelep, TMD-ǵa múshe elderdiń bárin Qarjy ortalyǵynyń jumysyna belsendi atsalysýǵa shaqyrdy.
TMD elderi basshylary keńesi otyrysynyń qorytyndysy boıynsha mynadaı sheshimder men qujattar qabyldandy:
1. Táýelsiz Memleketter Dostastyǵyna qatysýshy memleketterdiń aqparattyq tehnologııalar salasyna qatysty qylmystarmen kúres júrgizýdegi yntymaqtastyǵy týraly kelisim;
2. Ǵarysh keńistigin zertteý jáne beıbit maqsattarǵa paıdalaný salasyndaǵy yntymaqtastyq týraly Táýelsiz Memleketter Dostastyǵy elderiniń konvensııasy;
3. Táýelsiz Memleketter Dostastyǵyna tóraǵalyq etý týraly;
4. 1941-1945 jyldardaǵy Uly otan soǵysyndaǵy Jeńistiń 75 jyldyǵyn atap ótýge daıyndyq týraly;
5. 1948 jyly 10 jeltoqsanda qabyldanǵan Adam quqyqtarynyń jalpyǵa ortaq deklarasııasynyń 70 jyldyǵyna baılanysty Táýelsiz Memleketter Dostastyǵyna qatysýshy memleketterdiń málimdemesi týraly;
6. 2021 jyly Tájikstan Respýblıkasynda «Dostastyqtyń mádenı astanalary» atty memleketaralyq baǵdarlamany júzege asyrý týraly;
7. Táýelsiz Memleketter Dostastyǵy elderinde 2021 jyldy Sáýlet jáne qala qurylysy jyly dep jarııalaý týraly;
8. Qylmystylyqpen kúrestegi birlesken sharalardyń 2019-2023 jyldarǵa arnalǵan memleketaralyq baǵdarlamasy týraly;
9. Táýelsiz Memleketter Dostastyǵyna qatysýshy memleketter Qorǵanys mınıstrleriniń keńesi jónindegi erejege ózgerister men tolyqtyrýlar engizý týraly;
10. Táýelsiz Memleketter Dostastyǵyna qatysýshy memleketterdiń Terrorǵa qarsy ortalyǵy jónindegi erejege ózgerister men tolyqtyrýlar engizý týraly;
11. Táýelsiz Memleketter Dostastyǵyna qatysýshy memleketterdiń Terrorǵa qarsy ortalyǵynyń basshysy týraly;
12. Táýelsiz Memleketter Dostastyǵyna qatysýshy memleketter Qorǵanys mınıstrleri keńesiniń janyndaǵy áýe shabýylyna qarsy qorǵanys máseleleri jónindegi Úılestirý komıtetiniń tóraǵasy týraly;
13. Táýelsiz Memleketter Dostastyǵyna múshe elder basshylary keńesiniń sheshimderiniń kúshin joıý týraly;
14. Táýelsiz Memleketter Dostastyǵyna qatysýshy memleket basshylarynyń Dúnıejúzilik kóshpendiler oıyndary jónindegi málimdemesi týraly;
15. Táýelsiz Memleketter Dostastyǵyna qatysýshy memleket basshylarynyń Shyńǵys Aıtmatovtyń 90 jyldyǵyna baılanysty málimdemesi týraly.