Qazaqstan Prezıdenti «Áziret Sultan» tarıhı-mádenı qoryq-mýzeıiniń aýmaǵynda ornalasqan Qoja Ahmet Iаssaýı mavzoleıin aralap kórdi, dep habarlaıdy Aq Ordanyń baspasóz qyzmeti.
Memleket basshysyna Túrkistannyń tarıhı-mádenı ortalyǵyn qaıta jańǵyrtýǵa baılanysty «Áziret Sultan» qoryq-mýzeıiniń damý jospary tanystyryldy.
Josparǵa sáıkes, tanymdyq jáne rýhanı týrızm úshin qolaıly jaǵdaı jasaý kózdelgen. Osyǵan oraı, árbir týrıst mýzeı aýmaǵynda ornalasqan tarıhı jáne aıtýly oryndardy aralap kóre alady.
Birinshi kezekte Túrkistannyń ejelgi qonystarynyń biri – Kúltóbe qalasy qaıta jańǵyrtylatyn bolady. Ábilmámbet han men Táýke hannyń ordalary men rezıdensııalary ortaǵasyrlyq meshitimen birge jáne basqa da birqatar nysan tolyq qaıta qalpyna keltiriledi.