Qazaqstannyń tanymal kásipqoı boksshysy Álı Ahmedov óziniń kezekti jekpe-jegin 11 qazanda ótkizedi.
AQSh-tyń Kalıfornııa shtatyndaǵy Kosta-Mesa qalasynda ótetin jarysta jerlesimiz Iovanı Haver Gomespen kúsh synasady. 23 jastaǵy meksıkalyq óren osy kúnge deıin 31 kezdesý ótkizip, 17 márte jeńiske jetti. 11 básekeni ol merziminen buryn aıaqtady.
Álı Ahmedov te 23 jasta. Saǵatbek Musahanovtaı bilikti mamannan tálim-tárbıe alǵan Almaty oblysynyń týmasy qazirgi kezde AQSh-ta Gennadıı Golovkınniń jeke bapkeri Abel Sanchestiń qol astynda jattyǵýda. Kásipqoı rıngte ol 12 jekpe-jek ótkizip, barlyǵynda basymdyq tanytty. 9 qarsylasyn Álı esinen tandyrdy.
Ǵalym SÚLEIMEN,
«Egemen Qazaqstan»