Qaraǵandy oblysynyń polısııa departamenti Shahtınsk qalasynda páterdi qasaqana órtedi degen kúdikke ilingen er adamnyń ustalý sátinen beınekadrlardy jarııalady, dep jazady Egemen.kz.
Aldyn ala málimetterge sáıkes, 40 jastaǵy azamat órt shyǵarý maqsatynda gaz ballonyn ádeıi ashqan. Sonyń saldarynan gaz jarylyp, jalyn jıhaz ben turmystyq zattardy sharpyǵan.
Vedomstvonyń habarlaýynsha, oqıǵa ornyna jetken polıseıler birden turǵyndardy evakýasııalaýǵa kirisken. Sol sátte kúdikti olardyń áreketin baıqap, gazdy qasaqana jiberip, ot qoıǵan. Quqyq qorǵaý organdarynyń qyzmetkerleri ómirlerin qaterge tigip, kúdiktini ustaý operasııasyn sońyna deıin jetkizgen.
Shahtınskide kópqabatty úıde gaz jaryldy: 8 adam zardap shekti
Oqıǵa saldarynan segiz adam zardap shekti, olardyń beseýi – polısııa qyzmetkeri. Barlyǵy medısınalyq mekemege jetkizildi.
Qazir kúdikti kúzetpen arnaıy palatada jatyr. Saýyǵyp shyqqannan keıin ol ýaqytsha ustaý ızolıatoryna qamaýǵa alynady.