Sý resýrstary jáne ırrıgasııa mınıstrliginiń bastamasymen jáne Jambyl oblysy ákimdiginiń qoldaýymen sý salasyndaǵy alǵashqy eriktiler qozǵalysy «Bolashaqtyń qaınary» quryldy. Onyń quramyna Taraz qalasyndaǵy Qazaq ulttyq sý sharýashylyǵy jáne ırrıgasııa ýnıversıtetiniń stýdentteri endi. Osyndaı eriktiler toptaryn elimizdiń basqa óńirlerinde de qurý josparlanyp otyr, dep jazady Egemen.kz.
Qozǵalystyń eriktileri «Móldir bulaq» ekologııalyq aksııasyna qatysyp, qazaqstandyqtardy Memleket basshysynyń «Taza Qazaqstan» bastamasy aıasynda uıymdastyrylǵan bulaqtardy tazalaý naýqanyn qoldaýǵa shaqyrdy.
«Bolashaqtyń qaınary» eriktiler toby, búgin Sý resýrstary jáne ırrıgasııa mınıstrliginiń bastamasymen ótken «Móldir bulaq» aksııasyna qatystyq. Sý – tirshiliktiń bastaýy. Ár bulaqtyń tazalyǵy – bizdiń ortaq jaýapkershiligimiz. Biz búgin tek tabıǵatty qorǵap qana qoımaı, qoǵamǵa úlgi bolýǵa tyrystyq. Endi osy ıgi isti jalǵastyrý úshin estafetany elimizdiń barlyq óńirindegi eriktilerge joldaımyz. Birge áreket etsek, úlken ózgeris jasaı alamyz!», dedi Qazaq ulttyq sý sharýashylyǵy jáne ırrıgasııa ýnıversıtetiniń 3-kýrs stýdentteri Dıas Ábilhan jáne Aıdana Muqajanova.
«Móldir bulaq» ekologııalyq aksııasy: Ońtústik óńirlerdegi 28 bulaq tazartyldy
«Bolashaqtyń qaınary» qozǵalysy tek ekologııalyq aksııalarǵa qatysýmen shektelmeıdi. Belsendi jastar sý únemdeýdi nasıhattaý jáne qoǵamda ekologııalyq mádenıetti qalyptastyrý baǵytyndaǵy júıeli jumystarǵa úles qosýdy josparlap otyr.
«Móldir bulaq» ekologııalyq aksııasy Shymkent qalasynda, Almaty, Jambyl, Qyzylorda, Túrkistan jáne Jetisý oblystarynda ótti. Oǵan shamamen 3,8 myń adam qatysty. Aksııa aıasynda bulaqtardyń kózin ashý jáne qalpyna keltirý, sondaı-aq aınalasyndaǵy aýmaqtardy tazalaý jáne abattandyrý jumystary júrgizildi. Qoqys jınalyp, kóshetter otyrǵyzyldy.
Tazarý kúni: Prezıdent azamattardy tazalyq pen tártip estafetasyna belsene qatysýǵa shaqyrdy
Is-sharalarǵa Sý resýrstary jáne ırrıgasııa mınıstrliginiń, vedomstvoǵa qaraıtyn uıymdar men komıtetterdiń mamandary, sondaı-aq júzdegen erikti men stýdent qatysty.