1 qazanda bastalǵan jalpyrespýblıkalyq «Qamqorlyq» aıy barysynda Alımuhammed Quttumurat-uly "Shańyraq" balalar aýylynyń tárbıelenýshilerine bardy, dep habarlaıdy Atyraý qalasy ákimdiginiń baspasóz qyzmeti.
Qala kúni merekesine oraı Atyraý qalasynyń ákimi Alımuhammed Quttymurat-uly "Shańyraq"otbasy úlgisindegi balalar aýylynyń tárbıelenýshilerimen kezdesti. Búginde munda 3,5 jastan 18 jasqa deıingi 62 bala turady. Olardyń árqaısysynda 10 baladan tárbıelenetin alty otbasy jeke jabdyqtalǵan bólmelerde turady, onda jatyn bólmesi, as úı, oıyn bólmesi jáne qonaq bólmesi bar.
"Shańyraq" otbasy úlgisindegi balalar aýylynyń dırektory Gúlsara Botataevanyń aıtýynsha, balalardyń 20% - y jetim balalar, qalǵandary -ata-anasynyń qamqorlyǵynsyz qalǵan balalar.
- Bıyl bizdiń aýyl úshin óte qýanyshty jyl boldy, bizge jańa ǵımarat salýǵa jer bólgen edi, qazir biz burynǵy balabaqsha ǵımaratynda turamyz. Qazirgi ýaqytta jańa aýyl qurylysyna JSQ memlekettik saraptamadan ótýde, jaqyn arada balalardyń qonys toıyn toılaımyz dep úmittenemiz,- deıdi Gúlsara Botataeva.
Atyraý qalasynyń ákimi Alımuhammed Quttumurat-uly balalardy kele jatqan qala kúnimen quttyqtap, árqaısysyna syılyqtar tabys etti. Alǵys retinde balalar qonaqtarǵa konsert qoıdy.
- Barshańyzǵa belgili, 1 qazanda jalpyrespýblıkalyq «Qamqorlyq» aıy bastalyp,bul kúni Qarttar úıinde qarttar úshin qaıyrymdylyq túski as uıymdastyrylǵan edi. Búgin "Shańyraq" balalar aýylynyń balalaryna baryp qaıttyq. Bul jumys aldaǵy ýaqytta da jalǵasatyn bolady. Atyraý qalasynyń barlyq turǵyndaryn osy aksııany qoldaýǵa jáne naǵyz muqtaj adamdarǵa kóńil bólýge shaqyramyz, - dedi Atyraý qalasynyń ákimi.
Aıta keteıik, jalpy respýblıkalyq «Qamqorlyq» aıy qazan aıynyń sońyna deıin jalǵasady. Qazaqstannyń barlyq aımaqtarynda 30 kún boıy qaıyrymdylyq is-sharalar, sondaı-aq qaıyrymdylyq pen meıirimdilik aksııalary ótkiziledi.