«Dostyq úıi» ǵımaratynda Mańǵystaý oblysy Qazaqtan halqy Assambleıasy basshylyǵy, MO ÁA «Qoǵamdyq kelisim» KMM qyzmetkerleri, etnomádenı birlestikter músheleri, RJQ «Jańǵyrý joly» óńirlik shtaby jastary «QAZAQSTANDYQTARDYŃ ÁL-AÝQATYNYŃ О́SÝI: TABYS PEN TURMYS SAPASYN ARTTYRÝ» atty Elbasy Joldaýyn tyńdady. Sońyna deıin zeıin qoıyp tyńdaǵan soń, etomádenı birlestik tóraǵalary men músheleri óz oı-pikirlerimen bólisti.
- Elbasymyzdyń «Jastar men otbasy ınstıtýtyn keshendi qoldaý memlekettik saıasatynyń basymdylyǵyna aınalýy tıis. Jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek. Kelesi jyldy Jastar jyly dep jarııalaýdy usynamyn» degen sózderine qatty qýandym. Keshe ǵana RJQ «Jańǵyrý joly» óńirlik shtabynyń tóraıymy bolyp taǵaıyndaldym, aldaǵy ýaqytta keremet jobalardy iske asyramyz degen oıdamyz, dedi «Choson» káris etnomádenı birlestiginiń belsendi múshesi Ogaı Antonına Vıacheslavovna.
Elbasy Joldaýy boıynsha «Dagestan» daǵystan etnomádenı birlestiginiń tóraǵasy Shahshaev Iýsýp Abdýrahmanovıch da óz oıymen bólisti:
-Bul - Elbasynyń 1997 jyldan beri 23-shi Joldaýy. Kelesi jyly muǵalimder men mektepke deıingi mekemeler qyzmetkerleri úshin barlyq ıgilikti qarastyryp, júktemeni azaıtýǵa, jónsiz tekserister men mindetten tys fýnksııalardan arashalaýǵa negizdelgen «Pedagog mártebesi týraly» qujatyn qabyldaýyna tolyqtaı kelisemin. Osy qujat arqyly biraz máseleler qalypqa keledi degen úmittemin, dedi ol.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy