Mádenıet jáne sport mınıstri Arystanbek Muhamedıuly eskek esýshi Dıas Bahraddındi Jasóspirimder Olımpıada oıyndarynda altyn medal Dıasa Bahraddındi quttyqtady.
«Táýelsiz Qazaqstannyń sport tarıhynda eskek esýden tarıhı jeńis oryn alyp otyr. Nebári 16 jasyńyzda Jasóspirimder Olımpıada oıyndarynda altyn medal aldyńyz. Sizdiń sporttyq mansabyńyzda bul alǵashqy jarqyn jeńis. Men Sizden Olımpıada oıyndarynda taǵy da jarqyn jeńister kútemin.
Bul jeńisińiz Sizdiń erik-jigerińizdiń myqtylyǵyn, kásibı daıarlyǵyńyzdyń joǵary ekendigin dáleldedi. Búkil álem halqynyń aldynda Qazaq eliniń ánuranyn kókte sharyqtatý arqyly, sońyńyzdan erip kele jatqan sportshylardyń júregine jeńiske degen senim uıalattyńyz. Sizdeı qazaqtyń dara uldary barda, el sporty qaryshtap damıtynyna senimdimin.
Sizge zor densaýlyq, otbasyńyzǵa amandyq, bolashaqta úlken jeńister tileımin»- delingen quttyqtaý hatynda.
Esterińizge salaıyq, Dıas Bahraddın 1:54:66 kórsetkishimen, ózbek sportshysynan basym túsip, birinshi oryn alǵan bolatyn. Buǵan deıin eskek esýshi Stella Sýhanova qola medal alǵan bolatyn.
Búginde Ulttyq qurama qorjynynda tórt medal. Dzıýdoshy Bekarys Sádýaqas altyn medal, Margarıta grısenko kúmis medal alǵan bolatyn.
Aıta keteıik, III Jazǵy Jasóspirimder Olımpıada oıyndary Býenos –Aıres qalasynda qazannyń 6 - 18 aralyǵynda ótip jatyr. El namysyn 22 sport túri boıynsha 57 sportshy qorǵaýda.