Qazaqstan tennıs federasııasynyń prezıdenti Bolat О́temuratov jáne aımaq basshysy Qumar Aqsaqalovtyń qatysýymen «Jas órken» yqsham aýdanynda zamanaýı tennıs ortalyǵynyń ashylý rásimi ótti.
Memlekettik-jekemenshik áriptestik aıasynda zamanaýı úlgide salynǵan sport kesheniniń qurylys jumystaryna 2 mıllıard 640 mıllıon teńge jumsaldy. 7238 sharshy metr aýmaqty alyp jatqan ortalyq 4 jabyq jáne 3 ashyq tennıs kortynan turady. Trenajer zaly, medısınalyq qosyn, kıinetin, jýynatyn bólmeler, konferens zal, dámhana, nusqaýshylar kabınetteri jumys isteıdi. Voleıbol, basketbol sııaqty sport túrlerimen de shuǵyldanýǵa bolady. Trıbýna1200 adamǵa laıyqtalǵan.
Tennıs ortalyǵynyń qurylysyna «ForteBank» AQ-y qarjy quıdy.
«Munda «ITF», «ATF» halyqaralyq talaptataryna saı týrnırler ótkizýge bolady», deıdi Qazaqstan tennıs federasııasy prezıdentiniń orynbasary Dııas Dosqaraev.
Keshenniń dırektory Nurlan Ábdirahmanovtyń aıtýynsha, qazirdiń ózinde 250 bala tennıspen aınalysýǵa tilek bildirgen.
О́mir ESQALI,
«Egemen Qazaqstan»
Soltústik Qazaqstan oblysy