Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Qazaqstan halqyna Joldaýy búgingi tańda árbir qazaqstandyq úshin basty baǵdar ekenin atap ótkenimiz jón.
Nursultan Nazarbaev Joldaýdyń kún tártibine elimizdiń ekonomıkasyn arttyrýǵa baǵyttalǵan jańa mindetterdi shyǵaryp, qazaqstandyqtardyń ál-aýqatynyń ósýi basty basymdyqqa aınalýǵa tıis ekenine erekshe ekipn berdi. Joldaýda bilim berý salasyna qatysty júktelgen mindetter Salalyq kásipodaq jumysy men ustazdar qaýymynay úlken serpin berdi dep nyq senimmen aıta alamyn.
El tarıhynda buryn-sońdy bolmaǵan bilim, ǵylym, densaýlyq saqtaý salalaryna bólinetin qarjyny aldaǵy 5 jylda ishki jalpy ónimniń 10 paıyzyna deıin jetkizý bastamasy bizdi erekshe qýanytp otyr. Sebebi bul bastama arqyly áleýmettik salany aıtpaǵanda ekonomıka shırap, mıllıondaǵan qazaqstandyq otbasynyń ál-aýqaty artady. Sebebi ustazdar men bilim berý júıesine árbir otbasynyń árbir qazaqstandyqtyń qatysy bar desem qatelespespin.
Kópten beri alańdatyp júrgen mektepke deıingi bilim berý sapasyn túbegeıli ózgertý tapsyrmasy da qýantarlyq jaıt. Bul degenimiz mektepke deıingi bilim bersý salasynda biliktilik talaptary men oqytý ádistemeleri, tárbıeshiler men balabaqshadaǵy ózge de qyzmetkerlerdiń eńbek aqy tóleý júıesi qaıta qaralady degen sóz. Bul ózgerister de mıllıondaǵan jas mamannyń, kóptegen otbasynyń áleýmettik-ekonomıkalyq jaǵdaıynyń jaqsarýyna jol ashatyny sózsiz.
Joldaýdyń bilim salasyna qatysty mańyzdy tusý dep, prezıdenttiń orta bilim berý júıesindegi reformalrdy toqtatýǵa tapsyrmasyn aıtar edim. Sebebi ótken birneshe jylda bul salada onsyz da kóptegen ózgerister boldy. Jańa bilim berý standarty men orta bilim mazmuny qaıta qaraldy. Endi memleket basshysy orta mektepterge Nazarbaev zııatkerlik mektepteriniń tájirıbesimen men ádistemesin engizýdi tapsyrdy. Bul osyǵan deıin bastalǵan reformalardyń qorytyndysy retinde bolýy kerek dep esepteımin.
Orta bilim berý júıesindegi eń aýqymdy túıitkilderdiń biri – úsh aýysymdy jáne apatty mektepter ekeni belgili. Prezıdent bul máseleniń sh túbegeıli sheshetin kez kelgenin aıtty. Eldegi 127 úsh aýysymdy mektep pen 44 apatty mektepterdiń problemalaryn sheshý úshin Úkimetke aldaǵy úsh jylda bıýdjetten qosymsha 50 mıllıard teńge bólý týraly tapsyrmasy bul máseleni sheshýge tolyq jetedi dep oılaımyn. Joldaýdaǵy ustazdar qaýymyna arnalǵan eń mańyzdy úndeý dep «Ustaz mártebesi týraly» zań qabyldaý bastamasyn aıtýǵa bolady. Mundaı quqyqtyq qujat bizde bolǵan emes. Sondyqtan ustazdar qaýymy bul zańnan úlken úmit pen keń qoldaý kútedi. Muǵalimder men mektepke deıingi mekeme qyzmetkerlerine arnalǵan kásbı ıgilikter men olarǵa qatysty jónsiz tekseristerdi, mindetine jatpaıtyn fýnksııalardy oryndaýǵa tıym salatyn zańnyń kelesi jyly qabyldanatyny bizdi tek qýantady. Zań jobasyn jasaqtaý úshin QR bilim jáne ǵylym mınıstrligi janynan qurylǵan jumys tobyna bizdiń salalyq kásipodaq músheleri de enedi. Bizdiń bul zań jobasyna usynatyn kóptegen normalaramyzy bar. Qazir olardy ustazdar qaýymymen, zańgerlermen talqylaý jumystary bastalyp ketti.
Memleket basshysynyń joǵaryda atalǵan barlyq qoıǵan mindetteri men tapsyrmalary óte ózekti. Búgin de bizdiń muǵalimderimizdiń áleýmettik-ekonomıkalyq jaǵdaıy qanshalyqty artsa, sonshalyqty eńbektegi tıimdiligi men mańyzdy sheshimder qabyldaýda óziniń oń nátıjelerin beredi. Muǵalim kásibiniń mártebesi men ımıdjin arttyra bilsek, sonda ǵana qoıylǵan mindetter men tapsyrmalardy oryndaýǵa qabiletti bolamyz.
Qazaqstandyq salalyq bilim jáne ǵylym qyzmetkerleriniń kásiptik odaǵy Memleket basshysynyń Joldaýyn, barlyq saladaǵy qazaqstandyq qoǵamnyń modernızasııalanýyna baǵyttalǵan baǵdarlamalyq maqsattary men mindetterin tolyqtaı qoldap, onyń júzege asyrylýyna barynsha atsalysady.
Maıra AMANTAEVA,
Qazaqstandyq salalyq bilim jáne ǵylym qyzmetkerleri kásipodaǵynyń tóraıymy