Rıo Olımpıadasynyń chempıony, qazaq eliniń maqtanyshy Danııar Eleýsinov kásipqoı bokstaǵy tórtinshi kezdesýin ótkizip, jankúıerlerine taǵy bir jarqyn jeńis syılady. AQSh-tyń Boston qalasynda ótken boks keshinde amerıkalyq qarsylasy Mett Doertımendi (8-5-1, 4 KO) nokaýtpen jeńdi.
Eleýsinov pen Dogertı arasyndaǵy jekpe-jek alty raýndqa josparlanǵan bolatyn. Alaıda birinshi raýndtyń aıaqtalýyna 30 sekýnd qalǵanda otandasymyzdyń serııaly soqqysynan keıin tóreshi aıqasty toqtatýǵa májbúr boldy. Jekpe-jek qorytyndysy boıynsha Danııar tehnıkalyq nokaýtpen jeńiske jetti. Kezdesýden keıin otandasymyz aldaǵy josparymen bólisti. «Men áýesqoı boksta alys qashyqtyqta júrip judyryqtasý úshin kóp eńbek ettim. Al kásipqoı bokstaǵy bapkerim Djon Devıd Djekson meni jaqyn jáne orta ara qashyqtyqta jumys isteýdi úıretip jatyr. Qandaı jaǵdaı bolsyn tynbaı eńbek etip, úlken jekpe-jekterde ózimniń múmkindigimdi kórsetýim kerek», dedi Eleýsinov.
Danııar Eleýsinov kásipqoı bokstaǵy kelesi jekpe-jegin 24 qarasha kúni Monakonyń Monte-Korle qalasynda ótkizedi. Eddı Hırnniń málimdeýinshe, bul keshtiń basty aıqasy reseılik Denıs Lebedev pen amerıkalyq Maık Ýılson arasynda ótpek.
Álı BITО́RE,
«Egemen Qazaqstan»