Úkimet úıinde Premer-Mınıstr Baqytjan Saǵyntaev Qazaqstannyń Úshinshi jańǵyrýyn jobalyq basqarý aıasynda osyǵan deıin atqarylǵan jumystar jónindegi kezekti selektorlyq keńes ótkizdi, dep habarlady Premer-Mınıstrdiń baspasóz qyzmeti.
Keńes barysynda Aqmola, Aqtóbe, Jambyl, Pavlodar jáne Soltústik Qazaqstan oblystary ákimdikteriniń jumysy boıynsha toǵyz aıdaǵy aldyn ala esepter jáne 2018 jyldyń sońyna deıingi josparlar talqylandy. Oblys ákimderi M.Myrzalın, B.Saparbaev, A.Myrzahmetov, B.Baqaýov, Q.Aqsaqalov selektorlyq rejimde jobalyq basqarý baǵyttary turǵysynan bastamalar boıynsha is-sharalardy oryndaý jáne ındıkatorlarǵa qol jetkizý, sondaı-aq jobalar portfelin iske asyrý boıynsha qabyldanǵan sharalar týraly baıandama jasady. Bazalyq ındýstrııalandyrý, kólik jáne logıstıkany, AО́K, OEK, týrızm, saýda, densaýlyq saqtaý, bilim berý, jappaı kásipkerlik sektorlaryn damytý, ekonomıka salalaryn sıfrlandyrý jáne AKT, ınvestısııalar tartý jáne ónimdi jumyspen qamtý baǵyttary boıynsha jasalǵan taldaý usynyldy. Keńes barysynda Bilim jáne ǵylym mınıstri E.Saǵadıev, Densaýlyq saqtaý mınıstri E.Birtanov, Aqparat jáne kommýnıkasııalar mınıstri D.Abaev, Investısııalar jáne damý birinshi vıse-mınıstri R.Sklıar jáne Ulttyq ekonomıka vıse-mınıstri M.Júnisbekova, Energetıka vıse-mınıstri B.Aqsholaqov, Aýyl sharýashylyǵy vıse-mınıstri B.Beısenǵalıev, Eńbek jáne halyqty áleýmettik qorǵaý vıse-mınıstri S.Jaqypova, Mádenıet jáne sport vıse-mınıstri E.Qojaǵapanov túsinikteme berip ótti.