Elbasynyń 16-19 qazan aralyǵyndaǵy Fınlıandııa men Belgııa memleketterine resmı sapary birqatar sheteldik basylymdar betinde kórinis tapty. Aqparat quraldary Elbasynyń resmı kezdesýlerinen bólek, «Azııa-Eýropa» forýmyndaǵy baıandamasyna basa nazar aýdardy.
Eýropamen seriktestiktiń jańa belesi
Elbasynyń Belgııa bıznes ókilderimen kezdesýi týraly jazǵan Ázerbaıjannyń Azernews aqparattyq agenttigi N.Nazarbaevtyń shetelden ınvestısııa tartý josparyna toqtalǵan.
«Qazaqstan Respýblıkasynyń Prezıdenti Nursultan Nazarbaev Belgııada ótken Eýropa kásipkerlerimen kezdesýinde Eýropa memleketteriniń Qazaqstannyń saýda, ekonomıka, ınvestısııadaǵy mańyzdy seriktesteri ekenin aıtyp ótti. Qazaqstan Eýropa odaǵynyń Ortalyq Azııaǵa arnalǵan Jańa áriptestik strategııasynyń múshesi. Eýropa odaǵy Qazaqstannyń úlken saýda-ekonomıkalyq seriktesi. Qazaqstan negizinen Eýroodaqqa energııa eksporttaıdy. Al Eýroodaqtan mashına, transport jabdyqtary jáne hımııalyq zattar ımporttaıdy», delingen Ázerbaıjan gazetinde.
Aqparatta Eýropadan Qazaqstanǵa 180 mıllıard AQSh dollarynan kóp tikeleı ınvestısııa tartylyp, Eýropa qaıta qurý jáne damý banki jalpy quny 7 mıllıard eýro bolatyn birneshe jobany qarjylandyrǵany týraly aıtylǵan. Sondaı-aq eýropalyq «Alstom», «Lınde Grýp», «Er Lıkıd», «Danon», «Vıkat», «Haıdelbergsement» kompanııalarymen seriktestik jaıy da qozǵalǵan.
Mazmundy dıalog qaı kezde de mańyzdy
The London post gazeti Elbasy Nursultan Nazarbaevtyń «Azııa-Eýropa» forýmynyń HII sammıtinde sóılegen sózine toqtalyp, álemniń tabysty dıalog pen ózara túsinistikke qol jetkizýi mańyzdy ekenin atap ótken.
Gazettiń bas redaktory Shahıd Kýreshı Elbasynyń oılarymen kelisetinin aıta kelip: «Nursultan Nazarbaevtyń ulttar arasynda mardymdy dıalog pen kelissózder qurylmasa, ótken ǵasyrdaǵy qaqtyǵystarǵa qaıtyp oralý qaýpi bar» deýi óte oryndy. О́ıtkeni ulttar arasyndaǵy mazmundy baılanys qaı kezde de mańyzdy boldy. О́tken júzjyldyqtaǵy konfrontasııany boldyrmaýymyz úshin nátıjeli kelissózderge tyrysýymyz kerek», deıdi óz maqalasynda.
Adamzat aldyndaǵy jaýapkershilikti sezinýge shaqyrdy
Mýltımedııalyq jańalyqtardyń eýropalyq platformasy eureporter qazannyń 21 kúni jarııalaǵan «Qazaqstan Prezıdenti ASEM sammıtinde kózqarasyn bildirdi» atty maqalada N.Nazarbaevtyń sammıtte negizgi baıandamashylardyń biri bolǵanyn atap kórsetken.
«Kóshbasshylar saýda jáne ınvestısııalar, baılanys, ornyqty damý men klımat, terrorızm, kıberqaýipsizdik jáne rettelmegen kóshi-qon sııaqty aýqymy keń máseleler boıynsha eki qurlyq arasynda dıalog pen áriptestikti nyǵaıtýǵa tyrysty.
Olar saýda-sattyqty ulǵaıtý, qaýipsizdikti jaqsartý, qorshaǵan ortany qorǵaý jáne qoǵamdardy jaqyndastyrý maqsatynda eki qurlyq arasyn burynǵydan da baılanystyrýǵa kelisti.
Olardyń arasynda sammıttiń negizgi baıandamalarynyń birin jasaǵan Qazaqstan Prezıdenti Nursultan Nazarbaev ta boldy» dep jazdy.
Budan ári aqparat quraly «Prezıdent Nazarbaev AQSh, Reseı, Qytaı jáne EO sııaqty alpaýyt oıynshylardy adamzat aldyndaǵy jaýapkershilikti sezinýge jáne halyqaralyq shıelenisterdi sheshýdiń jolyn izdeýge shaqyrdy.
Sonymen qatar, AQSh, Reseı, Qytaı elderiniń, sondaı-aq Eýropa odaǵynyń basshylaryn dıalogqa shaqyryp, ózekti problemalardy talqylaý úshin Astana alańyn paıdalanýdy usyndy» dep tarqatady.
О́zekti halyqaralyq máseleler týraly suhbat berdi
Eýropa saıasatyna negizdelgen Euractive medıa-platformasy resmı saıtynda aqparat quralynyń bas redaktory Georgıı Gotevtiń Elbasymen suhbatyn jarııalady. Qazaqstan men Eýropa elderiniń seriktestigi, ınvestısııalyq jobalary, ekonomıkalyq damýy týraly suhbatta Aýǵanstandaǵy jaǵdaı da nazardan tys qalmaǵan. Prezıdent Aýǵanstandaǵy jaǵdaıdy ońaltý baǵytynda Qazaqstannyń qoldaýymen atqarylyp jatqan terrorızm men ekstremızmge qarsy is-sharalar týraly aıtyp ótken. Sonymen qatar Qazaqstannyń BUU Qaýipsizdik Keńesindegi músheligi, syrtqy saıası jospary týraly oı bólisken.
Budan ári Elbasy 2018 jylǵy 28 qyrkúıekte BUU Bas Assambleıasynyń 73-shi sessııasynda BUU-ǵa múshe 70-ten astam memleket Qazaqstan bastamasyn qoldap, Terrorızm men azat álemge qol jetkizý minez-qulyq kodeksine qol qoıǵanyn atap ótken. Sondaı-aq elimizdiń halyqaralyq beıbitshilik pen qaýipsizdikti qoldaý maqsatynda belsendi jumys atqaryp, kún tártibindegi barlyq máselelerdi júzege asyrýǵa qoldaý kórsetýge nıetti ekenin atap ótken.
Daıyndaǵan
Svetlana ǴALYMJANQYZY,
«Egemen Qazaqstan»