Qytaıdyń ońtústiginde uzyndyǵy 55 shaqyrym bolatyn álemdegi eń uzyn teńiz kópiri ashyldy, dep habarlaıdy ria.ru
Saltanatty rásimge QHR Tóraǵasy Sı Szınpın, Gonkong ákimshiliginiń basshysy Kerrı Lam, QHR Memlekettik keńesiniń vıse-premeri Han Chjen, Gýandýn Lı Sı provınsııasy partkom hatshysy jáne 700-ge jýyq qonaq qatysty.
Gonkongtan Chjýhaıǵa baratyn joldy 3 saǵattan 30 mınýtqa deıin qysqartýǵa múmkindik beretin kópirmen erkin qozǵalys sársenbi kúni ashylady. Aldyn ala esepteý boıynsha, 2030 jylǵa qaraı kún saıyn kópir arqyly 29 myńnan astam tasymal kóligi men 120 myńnan astam jolaýshy ótetin bolady. Ol ekonomıkalyq ıntegrasııaǵa jáne Injý ózeniniń ekonomıkalyq aımaǵynyń úsh mańyzdy qalasyn damytýǵa, sondaı-aq Gonkong pen Makao týrızmine yqpal etedi dep kútilýde.
Sondaı-aq úsh qala arasynda 10-15 mınýt saıyn jáne túngi ýaqytta 15-30 mınýt saıyn táýlik boıy júretin avtobýstardy iske qosý josparlanyp otyr. Bul qala ishindegi keptelis máselesin sheshedi deıdi jergilikti turǵyndar.