Denıs Tenniń ólimi boıynsha júrgizilgen tergeý aıaqtaldy. Bul týraly ishki ister mınıstri Qalmuhanbet Qasymov Parlament Senatynyń plenarlyq otyrysynda aıtty.
«Tergeýdi aıaqtadyq. Biraq is materıaldarymen tanysý prosesi áli júrip jatyr. Ol prosess aıaqtalǵan soń is birden sotqa joldanady. Is materıaldarymen tanysýǵa qansha ýaqyt kerek dese de, ol olardyń quqyǵy», dedi IIM basshysy.
Aıta keteıik, 19 shildede Almatyda belgisiz bireýler Denıs Tendi pyshaqtap ketken bolatyn. Oqıǵa shamamen 15.00-de Qurmanǵazy men Baıseıitova kósheleriniń qıylysynda bolǵan. Keıin qalalyq IID ókilderi Denıs Tenge avtourylar shabýyl jasaǵanyn málimdedi. Sóıtsek, sportshy urylardyń ústinen túsken bolyp shyqty. Janjal kezinde sportshynyń aıaǵyna pyshaq tıip, kóp qan joǵaltqan. Ol aýrýhanada kóz jumdy.
Keıinirek Qurmanǵazy men Baıseıitova kósheleriniń qıylysynda dańqty mánerlep syrǵanaýshy Denıs Tenniń qurmetine eskertkish ornatylatyny habarlanǵan edi. Sondaı-aq, oǵan «Halyq qaharmany» ataǵyn berý usynylǵan bolatyn.