Búgin túngi saǵat 01-00-de Eýropa lıgasynyń aıasyndaǵy "Iаblones" - "Astana" oıyny ótedi.
Aldymen búgingi qarsylasymyz jaıly azdy-kem málimet bere ketsek. Chehııanyń Iаblones-nad-Nısoý qalasynyń komandasy 1945 jyly qurylǵan. Stadıony - "Strshelnıse" 6 myń adamǵa arnalǵan. "Iаblones" osy kezge deıin ártúrli ataýlarmen tanymal bolǵan. Qazirgi ataýyn 2015-jyly aldy. Al 2014 jylǵy maýsymda bul komanda óziniń tarıhynda bolmaǵan jetistikke qol jetkizdi. Komanda Chehııa chempıonatynyń qola júldegeri atanyp, kýboktyń fınalynda óner kórsetti. Dál osynda mártebege olardy bas bapker Iаroslav Shılgavy jetkizdi. Iá, Shılgavy bizdiń "Astana" komandasynyń jankúıerlerine jaqsy tanys. Sebebi, eki maýsym buryn "Astana" Iаroslav baptaıtyn "Slavııa" Praga komandasyn jeńip Eýropa lıgasynyń pleı-off satysyna ótken edi.
"Iаblones" "Astanamen" salystyrǵanda eýrokýbokte tájirıbıesiz. Sebebi, 1997 jyly jáne 1998 jyly ǵana eki ret ÝEFA kýbogyna qatysqan. Al bizdiń "Astana" jyl saıyn Eýrokýbokte oınaǵanymen qoımaı, toptyq kezeńniń turaqty ókili. Ol az deseńiz, sońǵy kezderi bizdiń chempıon kóktemde bolatyn myqtylardyń pleı-offyna da qatysa bastady. Sondyqtan da, tájirıbıe turǵysynda qazaqstandyq klýbtyń basymdylyǵy bar. Degenmen, "Iаblones" eýrokýbok matchtaryna qatty mańyzdylyqpen qarap, árbir oıynda ózderin jaqsy jaǵynan kórsetkisi keledi.
Bıylǵy birinshilikte "Iаblones" besinshi orynda keledi. Búkil Chehııa chempıonatynda qazir pas berip, assıstenttik jasaýdan "Iаblones" oıynshysy Mıhal Travnık ozyp tur. Onyń 8 pasy golǵa aınalǵan. Odan bólek komandanyń negizgi qaqpashysy Vlastımıl Grýbyı Chehııa birinshiliginde 18 seıf jasap kózge túsken. Al qorǵanystaǵy Tomash Hıýbshmandy bilmeıtin fanat az. Chehııa quramasymen talaı iri dodalardy jarqyraı óner kórsetti. Al shabýyl ótinde Chernogorııa quramasynyń shabýylshysy Vladımır Iovovıch bar. Tanymal bapker Vlastımıl Petrjelanyń aıtýynsha "Iаblones" Chehııadaǵy oıyny eń ádemi komanda eken.