Memleket basshysy Nursultan Nazarbaev astyq jınaý naýqanynyń tabysty aıaqtalýyna oraı aýylsharýashylyq salasynyń eńbekkerlerine quttyqtaý joldady. Elbasynyń quttyqtaýyn «Astana AgroForum-2018» respýblıkalyq keńesinde Premer-Mınıstr Baqytjan Saǵyntaev oqyp berdi.
− Qurmetti aýyl eńbekkerleri! Agrarlyq sektor damyǵan Qazaqstan úshin astyq jınaý naýqany ərdaıym mańyzdy oqıǵa sanalady. Aýa raıynyń qolaısyzdyǵyna qaramastan bıylǵy jınalǵan mol ónim sizderdiń qajyrly eńbekterińiz ben kásibı biliktilikterińizdiń nátıjesi. 22 mln tonnadan astam dəndi jəne dəndi-burshaqty daqyl jınaldy. Bul ishki suranysty tolyq qamtamasyz etip qana qoımaı, shetel naryqtaryna úlken kólemde astyq pen un eksporttaýǵa múmkindik beredi. Mundaı joǵarǵy kórsetkish Qazaqstannyń əlemdegi iri astyq ónimderin óndirýshi elderdiń biri ekenin taǵy da aıǵaqtaı túsedi, – delingen quttyqtaýda.
Elbasy aýyl sharýashylyǵynda júrgizilgen júıeli reformalardyń arqasynda strategııalyq mańyzy zor salanyń əleýeti men ınvestısııalyq tartymdylyǵy edáýir artqanyn da atap ótti.
− Memleket aldaǵy ýaqytta da agroónerkəsip keshenine jan-jaqty qoldaý kórsetip, zamanaýı tehnologııany tartýǵa, eńbek ónimdiligin molaıtýǵa, onyń jahandyq básekege qabilettiligin kúsheıtýge jaǵdaı jasaıtyn bolady. Elimizdiń barlyq eńbekkerlerin 2018 jylǵy egin oraǵynyń tabysty aıaqtalýymen quttyqtaımyn! Qazaqstan halqy sizderdiń azyq-túlik qaýipsizdigin qamtamasyz etip, ekonomıkanyń ósýine jəne elimizdiń órkendeýine qosqan úlesterińizdi joǵary baǵalaıdy», – delingen quttyqtaýda.
Memleket basshysynyń Qazaqstan halqyna Joldaýynda aýylsharýashylyq ónerkásip keshenindegi eńbek ónimdiligin jáne óńdelgen aýylsharýashylyq ónimderiniń eksportyn 5 jyldyń ishinde keminde 2 jarym esege arttyrý mindeti qoıylǵan. Bul mejege qol jetkizý úshin atalǵan salada serpindi bastamalar men tyń jobalardy júzege asyrý qajettigi túsinikti. Eki kúnge sozylǵan «Astana AgroForum-2018» sharasynda agrarlyq sala mamandary bas qosyp, AО́K-ti damytýdyń 2017-2021 jyldarǵa arnalǵan memlekettik baǵdarlamasyn keńinen talqylady. Sonymen qatar «AО́K uzaq merzimdi baǵdarlamalary: mal sharýashylyǵy men ósimdik sharýashylyǵynyń salalyq baǵdarlamalary», «Tuqym sharýashylyǵynyń damýy», «Jerdi utymdy paıdalaný», «Agrarlyq ǵylymnyń kásippen birigýi» taqyryptarynda paneldik sessııalar ótti.
Jıynda sóz alǵan Premer-Mınıstrdiń orynbasary – Aýyl sharýashylyǵy mınıstri О́mirzaq Shókeev aǵymdaǵy jyldyń qorytyndysy boıynsha Qazaqstannan shet memleketterge eksporttalǵan et kólemi 15 myń tonnaǵa jetkendigin habarlady.
− Et baǵdarlamasyna sáıkes maqsatymyz – zákirlik kooperasııalar júıesin jáne shamamen 100 myń shaǵyn otbasylyq ferma qurý. Kooperasııa quramynda mal bordaqylaý alańdary men et kombınattary jumys isteıtin bolady. Al sút salasyndaǵy maqsatymyz – aldaǵy bes jylda 1 mln tonna sút óndirý. Munda da negizgi tetik iri sút-taýarlyq kompanııalarmen jumys isteıtin otbasylyq sút fermalary bolmaq, – dedi О́.Shókeev.
Onyń aıtýynsha qazirgi ýaqytta bul baǵdarlamalar jemis berip jatyr. Máselen, 2017 jyly elimiz 5,5 myń tonna iri qara mal etin eksportqa shyǵarsa, osy jyldyń 9 aıynda ǵana eksportqa jóneltilgen et kólemi 11 myń tonnadan asyp jyǵyldy.
− Biz jyl sońyna deıin 15 myń tonna sıyr etin eksportqa shyǵaramyz dep tolyq senimmen aıta alamyz, – dedi О́.Shókeev. Onyń aıtýynsha, Qazaqstannnyń aldaǵy bes jylda qus etin óndirýdegi áleýeti artyp, kólemin 5 ese ulǵaıtý josparlanyp otyr. − Oǵan tolyq múmkindik te bar. Máselen, taıaýda Makınskide bizdiń ólshemmen óte úlken sanalatyn, jylyna 50 myń tonna qus ótin óndiretin fabrıkany ashtyq, – dedi Úkimet basshysynyń orynbasary.
«Astana AgroForum-2018» sharasy aıasynda biryńǵaı agrarlyq salyq engizý jáne Qazaqstan azamattary úshin ǵana jerdi jalǵa berý jóninde arnaıy ınstıtýt qurý týraly usynystar aıtyldy. Keńes barysynda Aýyl sharýashylyǵy mınıstrligi men «Qazaqstannyń Azamattyq Alıansy» ortaq memorandým bekitti.
Erkejan AITQAZY,
«Egemen Qazaqstan»