DDSU-nyń Kopengagendegi Eýropalyq óńirlik bıýrosynyń dırektory Jýjanna Iаkab Rrimeminister.kz-ke bergen suhbatynda elimizdiń densaýlyq saqtaý júıesin damytýǵa qatysty pikirimen bólisti, dep habarlaıdy Premer-Mınıstrdiń baspasóz qyzmeti.
«Qazaqstannyń damý qarqynyn kóptegen jyldar boıy, 30 jylǵa jýyq ýaqyt, baqyladym deýge bolady, densaýlyq saqtaýdyń kóptegen kórsetkishteri boıynsha úlken ilgerileý baryn kórip júrmin. О́mir súrý uzaqtyǵynyń uzarýy jáne ólim-jitimniń tómendeýi sekildi oń ózgerister bar. Júrek-qan tamyrlary aýrýlarynan bolatyn ólim-jitim deńgeıiniń joǵary bolýyn eskergenniń ózinde, olardy emdeý joldary da jaqsaryp keledi. Meniń oıymsha, bul óte mańyzdy faktor», — dedi Jýjanna Iаkab.
Sonymen qatar, onyń aıtýynsha, Qazaqstanda densaýlyq saqtaý salasyndaǵy jumysty uıymdastyrýda úlken progress baıqalady. Sıfrlyq tehnologııany engizý arqyly densaýlyq saqtaý sapasy odan ári jaqsara tústi.
«Birlesken baǵdarlamalardy júzege asyrý jolynda bizde uqsas kooperasııa bar ekenin habarlaýǵa qýanyshtymyn. "Densaýlyq" baǵdarlamasy bizdiń densaýlyq saqtaý baǵdarlamalarymyzǵa uqsap keledi», — dep atap ótti J. Iаkab.
Sonymen qatar, ol Qazaqstandaǵy densaýlyq saqtaý salasyna salynatyn ınvestısııalar kólemi jyl saıyn artyp kele jatqanyn atap ótti, bul óz kezeginde medısına sapasyn jaqsartýǵa jol ashady.
«Prezıdent júrgizip otyrǵan Qazaqstannyń ekonomıkalyq damýynyń uzaq merzimdi strategııasy áleýmettik máselelerdi sheshýde de óte tıimdi, sondyqtan da, meniń oıymsha, densaýlyq saqtaý salasynyń damýy eldiń jalpy damýyna jaqsy yqpaldasady», — dep túıindedi DDSU-nyń Kopengagendegi Eýropalyq óńirlik bıýrosynyń dırektory.