Elbasynyń bıylǵy «Qazaqstandyqtardyń ál-aýqatynyń ósýi: tabys pen turmys sapasyn jaqsartý» atty Qazaqstan halqyna Joldaýy bizdi erekshe qanattandyrdy. Prezıdent memleketimizde atqarylyp jatqan birqatar aýqymdy bastamalarǵa toqtalyp, oń baǵasyn berdi.
Munyń bári de elimizdiń damý, órkendeý jolynda jaqsy jumys atqaryp kele jatqanyn kórsetedi. Sonymen qatar, Joldaý barysynda elimizge bereri kóp ıgi bastamalar jaıynda kóptep aıtyldy. Jalpy, halyqtyń turmysyn kóterýge, tabys pen turmys sapasyn arttyrýǵa baǵyttalǵan Joldaýda bilim máselesine erekshe kóńil bólingeni bizdi, muǵalimder qaýymyn erekshe qýantty. Muǵalimderdiń mártebesin joǵary qoıa otyryp kelesi jylǵa daıyndyq jumystarynyń júrgizilýi, mektepter men balabaqshalardaǵy ómir qaýipsizdigine júz paıyz baqylaý júrgizý, sonymen qatar úsh aýysymdy mektepterdi joıý jóninde jáne jastardy otansúıgishtikke baýlý týrasynda másele kóterilgeni óte oryndy dep bilemin. Joldaý arqyly qoǵamnyń árbir múshesi alǵa umtyla otyryp, halqymyzǵa qajetti jobalardy júzege asyrady.
Búgingi tańda qazaq qoǵamynda muǵalim mártebesi týraly jıi másele kóteriledi. Al muǵalim mártebesiniń, onyń biliktiliginiń búgingi jas urpaqqa tıgizer paıdasy orasan. Sonymen qatar Elbasy mektepke deıingi bilim berý sapasyn túbegeıli jaqsartý kerektigin aıtty. Kelesi jyly «Pedagog mártebesi týraly» zańdy ázirlep, qabyldaý kerektigin málimdedi. Munyń bári muǵalimderdiń mártebesin kóterýge arnalǵan mindetter dep sanaımyn. Bul bastamalardyń barlyǵy da bir adamdy tárbıeleý arqyly tutas ultqa ónege bola alatyn muǵalimderge degen erekshe qamqorlyq.
Búginde memlekettiń bilim salasyna degen qamqorlyǵy artyp keledi. Sapaly bilim alý arqyly búgingi jastar erteńgi eleýli tulǵaǵa aınalady. Al sapaly bilim alý úshin bilim oshaqtarynyń barlyǵy talapqa saı bolýy kerek. Búginde Taraz qalasy boıynsha úsh aýysymdy mektepterdiń máselesi sheshilgen. Bıyl ǵana qalada úsh aýysymdy mektepter joıylyp, aǵymdaǵy jyldyń bilim kúni qarsańynda 900 jáne 1200 oryndyq eki mektep paıdalanýǵa berildi. Munyń bári Elbasynyń bilim salasyna degen erekshe qamqorlyǵynyń nátıjesinde múmkin bolyp otyr. Aldaǵy ýaqytta osyndaı qoldaýǵa ıe bolyp otyrǵan muǵalimder qaýymy Elbasy Joldaýynda kórsetilgen barlyq jaýapkershilikti sezine otyryp, sapaly bilim berý maqsatynda nátıjeli jumys isteıdi dep senemin.
Múbárak JINAQBAEVA,
Taraz qalalyq bilim bóliminiń basshysy
Jambyl oblysy