Jol kartasy ázirlendi

Elimizdiń Densaýlyq saqtaý mınıstri El­jan Birtanovtyń aıtýy boıynsha bul qu­jat­qa qol qoıý qazaqstandyqtardyń ómir súrý sapasy deńgeıin kóterýge múmkindik beredi.

«Biz telemedısına salasynda ynty­maq­tas­tyq týraly memorandýmǵa qol qoı­dyq. Bul bizdiń mınıstrlik úshin basty ba­ǵyt­tardyń biri. Bıylǵy Elbasy Jol­da­ýy halyqtyń tabystaryna, áleýmet­tik már­te­besine, qoljetimdi sapaly bilim be­rý men densaýlyq saqtaýǵa basa nazar aý­da­ryl­ǵan áleýmettik-baǵytta boldy. Elba­sy me­dısınalyq-sanıtarlyq alǵashqy kó­mek­ti da­mytýdyń qajettiligin erekshe atap kór­­setti, shyǵyndardy arttyrý bo­ıynsha tap­syr­ma berdi. Bul medısınalyq qyzmet­ker­­lerdiń eńbekaqysyn kóterýge qatys­ty. Sıfr­­landyrý jáne qaǵazsyz medı­sı­naǵa kó­shý jóninde tapsyrma berildi. Biz bul ba­ǵyt­­ta qar­qyndy jumys isteýdemiz», dedi E.Birtanov.

Medısınalyq qyzmet kórsetýdiń otan­dyq naryǵynda reseılik kompanııalar da bar.

«El naryǵynda bizdi aqparattyq júıe­ler­­men qamtamasyz etetin reseılik kompanııalar bar. Biz qazir dástúrli telemedısınany emhanalar men aýrýhanalardan tys jerlerde halyqty belsendi oqytýmen, onda medısına­lyq qyzmetkerler men pasıentterdiń tehnologııalaryn paıdalaný arqyly keńeıtýdi kózdep otyrmyz. Sondyqtan bul memorandým oń serpin beretinine senimdimin», dedi mınıstr.

Reseı Federasııasynyń Densaýlyq saqtaý mınıstri Veronıka Skvorsova ynty­maqtastyq boıynsha qazaqstandyq áriptesterdiń usynys­taryn qoldady. 

Jalpy, taraptar densaýlyq saqtaý men telemedısınany sıfrlandyrý boıynsha tájirıbe almasý, telemedısınalyq tehnologııalardy qoldana otyryp, medısınalyq kómek kórsetý úshin júıelerdiń ózara is-qımylyn qamtamasyz etý maqsatynda má­­li­metter almasýdyń biryńǵaı standarttaryn ázirleý boıynsha yntymaqtasýǵa nıetti. Me­morandýmdy oryndaý úshin Qazaqstan jáne Reseı Densaýlyq saqtaý mınıstrlikteri ara­syndaǵy densaýlyq saqtaý salasyndaǵy yn­tymaqtastyqtyń negizgi baǵyttaryn damytý boıynsha jol kartasy ázirlendi.

Anar TО́LEÝHANQYZY,

«Egemen Qazaqstan