Qyzylorda oblysynda sońǵy jyldary jol qurylysyn damytýǵa 23 mlrd teńgeden astam qarjy bólindi.
Osy qarjyǵa 500 shaqyrymnan astam joldar ortasha, kúrdeli jóndeýden jáne qaıta jańǵyrtýdan ótti. Qalanyń shet aımaqtarynan 37 kóshe jóndeldi. Sondaı-aq 1 mlrd. 550 mln. teńge qarajatqa 150 shaqyrymdy quraıtyn 39 kóshege jaıaý júrginshiler joldary salyndy. 1 mlrd. 357 mln. teńgege 144 shaqyrymdyq 94 kóshege jaryq baǵanalary ornatyldy. 72 kópqabatty turǵyn úılerdiń aýlaishilik joldary men avtoturaqtary jóndeldi.
Álemdegi myqty memleketterdiń ekonomıkalyq jaǵdaıy onyń avtojoldarynan da jaqsy tanylady. Máselen, Germanııada sonaý ekinshi dúnıejúzilik soǵys qarsańynda salynǵan joldar áli kúnge deıin murty buzylmaı, halyqqa qyzmet etip keledi. Buryndary jol salsa jyl aralatyp, qaıta-qaıta jóndeýden ótkizetin memleketimiz de halyqaralyq avtoban salýǵa mamandanyp qaldy.
Baqtııar TAIJAN,
«Egemen Qazaqstan»
QYZYLORDA OBLYSY