Almatydaǵy aty ańyzǵa aınalǵan «Medeý» muz aıdynynyń qonaqtary ár aptanyń senbi jáne jeksenbi kúnderi keshki saǵat jetiden toǵyzǵa deıin arnaıy nusqaýshylardyń kómegimen konkıde syrǵanaýdy tegin úırene alady.
«Medeý» qonaqtary tek konkı teýip qana qoımaı, arnaıy oıyn-saýyqtyq baǵdarlamalarǵa qatysyp, konsert tamashalap, túrli baǵaly syılyqtar oınatylatyn saıystarda baǵyn synaýyna bolady.
Meniń konkımen syrǵanap júrgenime 5 jyl boldy. Nusqaýshy bolsam dep óz sheberligimdi shyńdadym. Maǵan sabaq bergen erekshe unaıdy. Kelýshilerge keńesimdi berip turamyn. Bul sportta eń bastysy qyzyǵýshylyq pen ynta. Kóp adamdar konkı tańdaýdan qatelesip jatady, jáne ózderiniń tepe-teńdikterin saqtaı almaıdy. Onyń bári jattyǵa kele túzeledi, tek talaptanyp, qoryqpaý kerek, – deıdi nusqaýshy Dmıtrıı Podporın.
Eske salsaq, qys aılarynda bul joba Almatylyqtar men qala qonaqtary úshin byltyr da úzdiksiz uıymdastyrylǵan bolatyn. Konkımen syrǵanaýǵa aqysyz túrde úıretý sabaqtary bıylǵy jyldyń sońyna deıin jalǵasady dep josparlanǵan.
«Sporttyq sharanyń basty maqsaty qaladaǵy buqaralyq sport túrlerin damytyp, qala turǵyndary men qonaqtaryn salaýatty ómir saltyn ustanýǵa shaqyrý» deıdi jobany uıymdastyrýshylar
Arman OKTIаBR,
«Egemen qazaqstan»
ALMATY