2011-2020 jyldarǵa arnalǵan termojańǵyrtý baǵdarlamasy iske qosylǵaly beri Atyraý qalasynda 110 kóp qabatty turǵyn úı jóndeýden ótti, dep xabarlaıdy Atyraý qalasy ákimdiginiń baspasóz qyzmeti.
Bul týraly búgin Atyraý qalasynyń ákimi Alımuhammed Quttumuratulynyń qatysýymen ótken apparat jınalysy barysynda belgili boldy.
«Turǵyn úılerge kommýnaldyq qyzmet kórsetý» JShS dırektory Zulqaǵıda Náýbekovtiń aıtýynsha, termojańǵyrtý memlekettik baǵdarlamasy boıynsha qaladaǵy 8 úıge kurdeli jóndeý júrgizilgen. Turǵyn úılerdi qalpyna keltirýge kerek qarajat jergilikti bıýdjetten bólindi.
- Qazir qaıtarylǵan qarajat esebinen tórt úıge kúrdeli jóndeý júrýde, olar – SMP 136 -daǵy № 1,2, 6 úıler jáne Vokzal mańy 3a yqsham aýdanyndaǵy 19 a úı,- deıdi Zulqaǵıda Náýbekov.
Sonymen qatar, qalalyq máslıhattyń sońǵy sessııasynda qabyldanǵan sheshimge sáıkes jergilikti bıýdjetten bólingen qosymsha qarajatqa taǵy 3 úı jóndeledi: Ǵumarov kóshesindegi 88 úı, Avangard 3 yqsham aýdanyndaǵy №6 úı, Qojaqaev kóshesindegi 29 úı.
- Kelesi jyldyń tizimi jasaldy, oǵan 40 úı kirdi. 20 úıdi qaıta jańǵyrtýǵa JSQ jasaqtalyp, memlekettik saraptamadan ótýde. Olardy kúrdeli jóndeý
2020 jyly aıaqtalady dep josparlanyp otyr, turǵyn úılerdi termojańǵyrtý memlekettik baǵdarlamasynyń júzege asyrylý ýaqyty da sol kezde bitedi,- deıdi Zulqaǵıda Náýbekov.
Qala ákimi Alımuhammed Kuttumuratuly termojańǵyrtý baǵdarlamasy sheńberindegi jumystarǵa jaýapty organdarǵa jumystardy ýaqytynda jáne sapaly oryndaýǵa tapsyrma berdi. 2011-2020 jyldarǵa arnalǵan termojańǵyrtý memlekettik baǵdarlamasy aıasynda Atyraýda 110 kóp qabatty úı jóndeýden ótti.