Ásemgúl TUIаQBAEVA,
Zoomcare mobıldi qosymshasynyń qurastyrýshysy:
– Zoomcare mobıldi qosymshasy – kópshiliktiń qoldanýyna arnalǵan telemedısına salasyndaǵy mobıldi qosymsha. Jalpy, telemedısına salasy álemdik naryqta úsh jyl buryn paıda bolǵan. Al Eýropa men AQSh-ta bul sala tanyla bastaǵanyna kóp ótpegenimen, bizdiń startaptar sekildi birneshe kompanııalar naryqta óz ornyn alyp úlgerse, Zoomcare qosymshasy – Ortalyq Azııa elderi ishinde alǵashqy joba.
Bizdiń qosymsha – dáriger men pasıentti táýlik boıy qashyqtyqtan vıdeoqońyraý jáne anonımdi baılanystyratyn qural. Mysaly, shalǵaıda turatyn azamattar Astanadaǵy nemese shetelderdegi dárigerlerden bizdiń qosymsha arqyly keńes ala alady.
Startapty bastaǵanda alǵashqy qarajat óz qaltamyzdan shyqty. Qazir bizdiń jobamyz paıdalanýǵa 100 paıyz daıyn tur. Endi kompanııany ári qaraı damytý úshin ınvestorlar izdep jatyrmyz. Úsh aı testileý kezeńin sátti ótkizip, kópshilikke tanystyryp úlgerdik. Nátıjesinde birqatar dáriger men pasıent jobamyzǵa joǵary baǵa berdi.
Joba boıynsha uzyn sany jıyrma adam eńbek etip jatsaq, sonyń jeteýi – sheteldik azamattar. Al búgingi Astana Habynyń ashylýy – biz úshin úlken qýanysh. О́ıtkeni osy startaptar alańy bizge alty aıǵa deıin tegin keńse men ınternet sekildi qajetti qural-jabdyqtaryn usynýda. Odan bólek, otandyq jáne sheteldik áleýetti ınvestorlarmen, mentorlarmen tabystyryp jatyr.
Sanjar MYRZAǴALYM,
«Sheberhana» platformasy negizin qalaýshylardyń biri:
– «Sheberhana» platformasy kez kelgen startapshynyń óz ıdeıasyn prototıptik deńgeıge deıin jetildirýge múmkindik beretin sıfrly alań. Kez kelgen ónertapqysh nemese startapshy ıdeıasyn bizdiń «Sheberhanada» júzege asyryp, ónimin ınvestorlarǵa nemese tutynýshylarǵa kórsete alady. Bizdiń platformada 3D prınter, lazerlik prınter men elektronıka sekildi óz ıdeıańyzdy iske asyrýǵa qajetti barlyq qurylǵylar bar. Startaptarǵa tegin alań usyna otyryp, biz bastaýysh kásipkerlerge mentorlyq qyzmet te usynamyz.
Kez kelgen ıdeıany startap deńgeıine jetkizýge qoldaý bildiremiz. Oqýshylardan bastap sheteldik startapshylar da bizdiń platforma men qurylǵylarymyzdy ázirge tegin paıdalana alady. Keıinnen sheberlik synyptary men arnaıy kýrstar ashýdy josparlap otyrmyz. Sol kezde qyzmetimizdi kommersııalamaqshymyz.
«Sheberhana» platformasyn ózimizdiń basqa da startaptarymyz úshin qoldandyq. Odan bólek qazir Astana habyndaǵy ózge de startapshylar bizdiń alańdy ıgilikterine jaratyp jatyr. Aldaǵy ýaqytta «Sheberhana» alańyn óńirlerdegi startapshylardyń da paıdalanýyna múmkindik jasaý úshin «Sheber Bus» degen jobany qolǵa alamyz. Al qazirshe «Sheberhana» tek Almaty men Astanada ǵana jumys istep tur. Ýnıversıtetti bitirgennen keıin eki jyl boıy osy startapty daıyndadyq. Daıyn ónim shyqqanǵa deıin tek qana ózimizdiń qarjymyzdy quıdyq. Keıinnen memleket pen «Sábı» qorynyń qoldaýyna ıe boldyq.
Erjan RYSQALIEV,
Clockster kompanııasy negizin qalaýshylardyń biri:
– Astana Hab aqparatty tehnologııalar startaptarynyń alańy ashylǵaly beri bizdiń kompanııa sonda tirkelip, eń alǵashqy rezıdentteriniń birine aınaldy. Bul alańmen jumys isteı otyryp biz az ýaqyttyń ishinde úlken jetistikterge jettik. Birinshi kezekte bıznes-model qurýda teńdessiz tájirıbe jınadyq. Ekinshiden, osy alań bizge ınvestısııa tartýdyń, sheteldik kompanııalarmen baılanys qurýdyń ózindik ádis-tásilderin úıretti. Nátıjesinde biz Amerıka-Sıngapýr birlesken qorynan jáne Nazarbaev Ýnıversıtet janyndaǵy qordan 135 mln teńgedeı ınvestısııa tarttyq.
О́tken aıda Ońtústik-shyǵys Azııa elderiniń naryǵyna shyǵý úshin Sıngapýrda kompanııamyzdy tirkedik. Qazirgi tańda aqparatty tehnologııalar kásipkerligi salasyndaǵy fılıppındik kompanııamen kelisimshartymyz bar. Bul – dıstrıbıýterlik salada iri sýpermarketterdi qoldaýǵa arnalǵan joba.
Jalpy, Astana Habynda búginge deıin 146 startap tirkeldi. Sonyń ishinde 90 paıyzy qazaqstandyq kompanııalar. Qalǵany Qyrǵyzstan, О́zbekstan, Reseı, Ýkraına sekildi jaqyn shetelden kelgen kásipkerler. О́ıtkeni Astana Haby tek qazaqstandyq emes, halyqaralyq deńgeıdegi startaptar alańy retinde jumys isteıdi.
Daıyndaǵan Baýyrjan MUQAN,
«Egemen Qazaqstan»