Almatydaǵy Ulttyq kitaphanada Temirbek Júrgenovtiń týǵanyna 120 jyl tolýyna oraı arnalǵan eske alý keshi ótti.
Kórnekti memleket jáne qoǵam qaıratkeri, pýblısıst, elimizdiń bilim, mádenıet jáne óneriniń damýyna aıshyqty úles qosqan Temirbek Júrgenovtyń esimi qazaq mádenıeti tarıhynda altyn áriptermen jazylǵan.
Ult qaıratkeriniń 1937 jyly 3 tamyzda «halyq jaýy» degen jalǵan aıyppen ustalyp, atý jazasyna kesilgeni belgili. Eske alýǵa jıynyna qatysqan baýyry Bıjan Júrgenov, T.Júrgenov atyndaǵy qoǵamdyq qordyń tóraǵasy Sápen Ańsatov, QR eńbek sińirgen qaıratkeri Darıǵa Turanqulova, kınorejısser Erkin Raqyshev, t.b. osy bir qaraly jyldarda Temirbek Júrgenovtyń basyna túsken qıyn-qystaý kezeńdi, jary Dámesh Ermekovanyń taǵdyry týraly, 1957 jyly aqtalǵannan keıin Termirbekteı tulǵanyń tarıhtaǵy ornyna qatysty ádilettilikti qalpyna keltirý, esimin ulyqtaýdaǵy izgi isterine qatysty mazmundy málimetterdi ortaǵa saldy.
Temirbek Júrgenov 1898 jyly qarasha aıynda Aqtóbe oblysy Yrǵyz aýdanynda dúnıege kelgen. 1913 jyly orys-qazaq mektebin támamadap, 1917 jyly Qyzylordadaǵy Sýhanskıı atyndaǵy ýchılıshede bilimin jalǵastyrady. Temirbekteı tulǵa Qazaqstannyń Halyq aǵartý komıssarıaty jumysyna S.Asfendııarovty, Q.Jubanovty, Ǵ.Músirepovteı tulǵalardy tartyp, «Qazaqstanda mektep júıesin retteý jáne qazaq orta mektepteriniń sanyn kóbeıtý týraly» qaýlynyń qabyldanyp, júzege asýyna járdemdeskeni, Qazaqstannyń alǵashqy mýzykalyq teatryn uıymdastyrýǵa úles qosqandyǵy, (qazirgi Abaı atyndaǵy Qazaq memlekettik opera jáne balet teatry) birneshe tildi meńgergen ustazdyń qazaqtyń aýyzsha ári jazbasha aqyndyq shyǵarmalaryn jınaqtap,1924 jyly «Terme» atty óleńderin shyǵarǵandyǵy jaıyndaǵy málimetter aıtyldy.
Halyq aqyndarynan, jyrshy-jyraýlardan, halyq ánshilerinen, ańyzshylardan estigen tarıhı derekter, epostyq shyǵarmalar, tarıhı kúıler, lırıkalyq ánderdi dáripteıtin halyq ánderiniń mańyzy zor.
Eske alýǵa jınalǵan kópshilik kóptegen mazmundy derekterdi ortaǵa salyp, qaıratker ómiri men qyzmetine arnalǵan kitap kórmesin tamashalady.
Búginde T.Júrgenovtiń esimi Almaty qalasyndaǵy Qazaq ulttyq óner akademııasyna, elimizdegi mektepter men kóshelerge berilgen.
Elvıra SERIKQYZY,
«Egemen Qazaqstan»
ALMATY