Elbasy Joldaýyn iske asyrý aıasynda «О́rleý» Biliktilikti arttyrý ulttyq ortalyǵy» aǵymdaǵy jylǵy 1 maýsymda jarııalaǵan «Pedagogıkalyq ıdeıalar panoramasy» respýblıkalyq konkýrsynyń óńirlik kezeńi jumysyn qorytyndylap, jeńimpazdaryn anyqtady.
Biryńǵaı aqparattyq-bilim keńistiginde zamanaýı pedagogıkalyq tájirıbeni jınaqtaý jáne nasıhattaý, pedagogtardyń aqparattyq-kommýnıkasııalyq jáne tehnologııalyq quzyrettilikterin arttyrý maqsatynda 22 nomınasııa boıynsha uıymdastyrylǵan konkýrs mektepke deıingi, orta, qosymsha, tehnıkalyq jáne kásiptik bilim berý mekemelerin qamtydy. Konkýrstyń erejesine sáıkes beınedáris, beınesabaqtar, praktıkalyq-laboratorııalyq jumystar úsh tilde (qazaq, orys, aǵylshyn) qabyldandy. Konkýrstyń óńirlik kezeńine usynylǵan 115 muǵalimniń jumysy ádilqazylar alqasynyń saraptaýynan ótti.
Ádilqazylar alqasy beıne-sabaqtarda oqýshylardyń belsendiligi, kóp bilsem degen qumarlyǵy, olardyń izdenimpazdyǵyna kóńil bóldi. Sabaqty jańashyldyqpen ótkizip, shákirtiniń bilim, bilik daǵdysyn qalyptastyrýda utymdy áreketter jasaýǵa umtylǵan muǵalimderdiń konkýrsqa usynǵan eńbekteri eleýsiz qalǵan joq. 61 muǵalimge sertıfıkat tapsyryldy. 22 nomınasııa boıynsha júldeli oryndardy ıelengen 54 muǵalimdi «О́rleý» BAUO» AQ fılıaly Almaty qalasy boıynsha PQ BAI dırektory, pedagogıka ǵylymynyń doktory Raısa Sadvakasova saltanatty jaǵdaıda quttyqtap, konkýrstyń respýblıkalyq kezeńinde jeńis tuǵyrynan kórinýlerine izgi tilegin bildirdi.
Qalalyq konkýrsta júldeli oryndy ıelengen muǵalimder respýblıkalyq saıysqa qatysyp, onlaın-rejımde daýys jınaıtyn bolady. Kásibı sheberligi synǵa túsetin jarys dodasynda ustazdarymyz júldeger bolatyny sózsiz.
Elvıra SERIKQYZY,
«Egemen Qazaqstan»
ALMATY